بەيسەنبى, 17 مامىر 2012 7:37
بوكس
وسى كۇندەرى قىتايدىڭ تسينحۋانگداو قالاسىندا بوكستان تۇڭعىش رەت قىزدار اراسىندا وليمپيا ويىندارىنا ىرىكتەۋ الەم چەمپيوناتى وتۋدە.
وعان ءبىزدىڭ ەلدەن باسقا, تاعى 76 ەلدىڭ بوكسشىلارى قاتىسۋدا. بارلىعى قىتايعا 343 سپورتشى كەلىپ وتىر. سونىڭ ىشىندە لوندون وليمپياداسىنىڭ جولداماسىنا تالاساتىن قىزدار سانى – 127.
بەيسەنبى, 17 مامىر 2012 7:37
بوكس
وسى كۇندەرى قىتايدىڭ تسينحۋانگداو قالاسىندا بوكستان تۇڭعىش رەت قىزدار اراسىندا وليمپيا ويىندارىنا ىرىكتەۋ الەم چەمپيوناتى وتۋدە.
وعان ءبىزدىڭ ەلدەن باسقا, تاعى 76 ەلدىڭ بوكسشىلارى قاتىسۋدا. بارلىعى قىتايعا 343 سپورتشى كەلىپ وتىر. سونىڭ ىشىندە لوندون وليمپياداسىنىڭ جولداماسىنا تالاساتىن قىزدار سانى – 127.
بيىلعى الەم چەمپيوناتى وسىمەن جەتىنشى رەت وتۋدە. 2001 جىلى باستالعان جارىستان بەرى قىزدار اراسىنان 292 بوكسشى جۇلدەگەر اتانىپتى. وسى ۋاقىتتا 73 قىز التىن جانە كۇمىس جۇلدەنى يەلەنسە, 146 بوكسشىعا قولا مەدال بۇيىرعان.
ءبىزدىڭ ەل وسى چەمپيوناتقا بارلىق ون سالماق دارەجەسىندە قاتىسۋدا. ءبىر وكىنىشتىسى, جارىس باستالىسىمەن جاينا شەكەرباەۆا (51 كگ.), ءسانيا سۇلتانقىزى (57 كگ.) مەن ءمولدىر بازارباەۆا (69 كگ.) قارسىلاستارىنان جەڭىلۋگە ءماجبۇر بولدى. ال اعا باپكەر ۆاديم پريسياجنيۋك جاتتىقتىراتىن قۇراماداعى نازىم قىزايباي (48 كگ.). گۇلجان اكىموۆا (54 كگ.), سايدا حاسەنوۆا (60 كگ.), فيرۋزا ءشارىپوۆا (64 كگ.), مارينا ۆولنوۆا (75 كگ.), داريعا شاكىموۆا (81 كگ.) مەن 81 كيلودان جوعارى سالماقتاعى جۇلدىز ماماتقۇلوۆانىڭ جارىستى جالعاستىرۋعا ءالى مۇمكىندىكتەرى بار. سونىڭ ىشىندە قازاق ءتىلىن تازا بىلەتىن سىر بويىنىڭ قىزى مارينا ۆولنوۆا مەن سايدا حاسەنوۆا عانا وليمپيادا جولداماسىنا تالاسا الادى.
كەشە 1/8 فينالدا مارينا ۆولنوۆا مەن سايدا حاسەنوۆا قارسىلاستارىنان جەڭىلىپ, جولدامادان قاعىلدى. دەگەنمەن ۆولنوۆانىڭ ءاىۆا ۇلەستىرەتىن جولدامادان ءۇمىتى بار.