«جارىس ءتۇرلى قاشىقتىقتار بويىنشا ءوتىپ, كوپشىلىك نازارىنا «ەكيدەن»» ەستافەتاسىن ۇسىنامىز. بۇل سايىستا التى ادام الما-كەزەك جۇگىرەدى. بارلىق قوناقتاردى جارمەڭكەگە شاقىرامىز. سول شاراعا تىركەلگەندەر سپورت پەن تۋريزم سالالارىندا جۇمىس ىستەيتىن كوپتەگەن كومپانيالار مەن برەندتەردى كورىپ,سولاردىڭ جاڭا ونىمدەرمەن تانىسا الادى» , - دەيدى «الماتى مارافونىنىڭ» ديرەكتورى سالتانات قازىباەۆا.
«الماتى مارافونى» سپورتتىق جارمەڭكەسى بالۋان شولاق اتىنداعى سپورت سارايىندا19-20 ءساۋىر كۇندەرى ساعات 10.00-دەن 21.00-گە دەيىن جۇمىس ىستەيدى. قازاقستاننىڭ بارلىق وڭىرىنەن كەلگەن 30 سپورتتىق ەكسپونەنتەر كوپشىلىك نازارىنا ۇسىنىلادى.
«جارمەڭكەگە ءتۇرلى ۇيىمدار, فەدەراتسيالار, فيتنەسس-كلۋبتار جانە سپورتتىق قۇرال-جابدىقتار, تاماق, كيىم-كەشەك وندىرۋشىلەر قاتىسادى. قىزىقتى باعدارلامالار ۇيىمداستىرىلىپ, لوتورەيا ويناتىلادى. ەۋروپاداعى مارافونداردا 35-40 مىڭ ادامنىڭ جينالاتىنى بەلگىلى. ال «الماتى مارافونى» بيىل 17 مىڭ جەلاياقتىڭ باسىن قوسقالى جاتىر. سولاردىڭ 1,5 مىڭى ءتۇرلى كومپانيالاردا جۇمىس ىستەيتىن شەتەلدىك ازاماتتار», - دەيدى وسى شارانى ۇيىمداستىرۋشىلاردىڭ ءبىرى باگاۋدين بەكوۆ.
الماتى پوليتسياسى دەپارتامەنتى, قالالىق سپورت باسقارماسى جانە «سمەلوست بىت پەرۆىم» كورپوراتيۆتىك قورى مارافون اياقتالعانعا دەيىن شاھارداعى كەيبىر كوشەلەردىڭ جابىلاتىنىن ەسكەرتەدى.