كاتونقاراعاي اۋدانىنىڭ كىشى نارىن اۋىلىنىڭ 60 جاستاعى تۇرعىنى ءسىبىر جاراسىن جۇقتىرۋى مۇمكىن دەگەن كۇدىكپەن اۋداندىق ورتالىق اۋرۋحانانىڭ جۇقپالى اۋرۋلار بولىمىنە جاتقىزىلدى. وبلىستىق قوعامدىق دەنساۋلىق ساقتاۋ دەپارتامەنتى ماماندارىنىڭ بەرگەن مالىمەتتەرىنە سەنسەك, ناۋقاس ءساۋىردىڭ 11-ءى كۇنى سول قولىنىڭ باس بارماعىنا جارا شىعىپ, اۋداندىق اۋرۋحاناعا تۇسكەن. «ول كۇندەلىكتى ءوزىنىڭ مالىن باعىپ-قاعۋمەن اينالىسقاندىقتان, دارىگەرلەر اۋرۋحاناعا تۇسكەن بويدا وقشاۋلاپ, مەديتسينالىق تەكسەرۋدەن وتكىزگەن. سونداي-اق ءتۇرلى سىنامالار الىنىپ, اسا قاۋىپتى اۋرۋلارعا ساراپتاما جاسالاتىن زەرتحاناعا جىبەرگەن. ناۋقاستىڭ وتباسىنداعى تاعى ءۇش ادامنىڭ دەنساۋلىعىن دا دارىگەرلەر ءجىتى باقىلاۋعا الدى. ناقتى دياگنوز تەرەڭ زەرتحانالىق ساراپتامانىڭ تالداماسى شىققان سوڭ بەلگىلى بولادى», - دەيدى وبلىستىق قوعامدىق دەنساۋلىق ساقتاۋ دەپارتامەنتىنىڭ ءبولىم باسشىسى حاميت ەلۋباەۆ.
شىعىس قازاقستان وبلىسى