10 راۋندتىق جەكپە-جەككە العاش رەت شىققانىنا قاراماستان قانداسىمىز رينگتە ءوزىن ەركىن سەزىندى. العاشقى ەكى راۋند بارلاۋمەن وتكەنىمەن, ودان كەيىن جانىبەك باسەكە تىزگىنىن مىقتاپ قولعا الدى. جاقسى سوققىلار جۇمساپ, سەريامەن دە ء ساتتى جۇمىس ىستەدى. اسىرەسە, اپپەركوتتارى ويداعىداي ءوتتى. قورعانىستا دا ساۋاتتى بولدى. سول جارتى ساعاتتىق جەكپە-جەك بارىسىندا ءالىمحان ۇلى وزىنە بىردە-ءبىر قاتتى سوققى دارىتقان جوق. كەرىسىنشە, قارسىلاسىن ۇنەمى قىسپاققا الىپ, ءوزى ويلاعان جوسپارىن جۇزەگە اسىردى. بۇل باسەكە سوڭىنا دەين سوزىلعانىمەن تورەشىلەر جەڭىستى ءبىر اۋىزدان ءبىزدىڭ جىگىتكە بەردى.
وسىلايشا, كاسىپقوي رينگتەگى ءوزىنىڭ التىنشى كەزدەسۋىندە جەڭىسكە جەتكەن جانىبەك ءالىمحان ۇلى ورتا سالماقتاعى WBA Global جانە WBC Continental Americas نۇسقالارى بويىنشا التىن بەلبەۋدى يەلەندى. قانداسىمىزدىڭ بۇل تابىسى الداعى ۋاقىتتا بۇدان دا ء ىرى جەڭىستەردىڭ التىن باستاۋى بولادى دەپ ۇمىتتەنەمىز.
جارايسىڭ, جانىبەك! جەڭىس قۇتتى بولسىن, قازاق ەلى!