باسكەتبولدان ۆتب ليگاسىنىڭ كەزەكتى تۋرىن ماسكەۋدە وتكىزگەن «استانا» جەرگىلىكتى تسسكا-عا ەسە جىبەردى.
العاشقى كەزەڭ تەكە-تىرەسپەن ءوتتى. تۇراقتى بىرىنشىلىكتە كوش باستاپ كەلە جاتقان ماسكەۋلىكتەر ءبىزدىڭ جىگىتتەردەن ەكى ۇپاي عانا وزدى – 21:19. ۇزىلىستەن كەيىن قارقىندارىن كۇرت كۇشەيتكەن تسسكا-نىڭ ويىنشالارى 45:34 ەسەبىمەن العا ۇزادى.
ءۇشىنشى كەزەڭدە دە سول 11 ۇپايلىق ايىرماشىلىق ساقتالدى – 63:52. ال سوڭعى كەزەڭدە الاڭ قوجايىندارىنىڭ ۇستەمدىگى كۇمىن تۋعىزعان جوق. قورىتىندى ەسەپ – 91:72.
كەزدەسۋدىڭ قورىتىنىدىسى بويىنشا تسسكا-نىڭ ساپىندا كايل حانيس 19 ۇپاي جيسا, «استانا» كلۋبى ويىنشىلارى اراسىنان دجەي دجەي و'برايەن 25 ۇپايدى قورجىنعا سالدى. وسى ماتچتىڭ ۇزدىكتەرى وسى باسكەتبولشىلار.
ەندى ءوزىنىڭ كەلەسى كەزدەسۋىن «استانا» 15 ساۋىردە نۇر-سۇلتاندا «لوكوموتيۆ-كۋبان» كلۋبىنا قارسى وتكىزەدى.