القاپتاعى جۇمىستار جانداندى

بيىلعى ءساۋىر ايىنىڭ ەگىن جانە مال شارۋاشىلىعىنا جاي­لى تۋعانى شارۋالاردىڭ دا تىرلىگىن تىكتەۋگە ىڭعايلى بول­عانى راس. ءاربىر شارۋا ءوزىنىڭ جىل­داعى ءداستۇرى بويىنشا بيىل دا دالاداعى ەگىس جۇمىستارىن باستاپ كەتتى. وبلىستىق اۋىل شا­رۋاشىلىعى باسقارماسىنىڭ ءما­لىمەتىنشە, وڭىردە اتالعان ماق­ساتتاعى جەر كولەمى – 4,6 ميل­ليون گەكتار. ونىڭ ىشىندە 781,8 مىڭ گەكتار جەر ەگىستىك, 182,4 گەكتار سۋارمالى القاپ, 3,9 مىڭ گەكتار كوپجىلدىق ەگىس القابى, 123,5 مىڭ گەكتار شابىندىق جانە 3,5 ميلليون گەكتار جەر جايىلىم جەرلەرى بولىپ ەسەپتەلەدى. بيىل ءوڭىر ال­دىندا تابيعاتتىڭ وسىناۋ ەن بايلىعىن ءتيىمدى پايدالانۋ ماسە­لەسى تۇر. 

 بۇگىنگى تاڭدا اسىراۋشى سالانى جىلداعىدان دا قارقىندى دامى­تۋ ماسەلەسى وزەكتى. سول سە­بەپ­تى, وبلىس تاراپىنان اۋدان­دارعا بەرىلگەن تاپسىرما دا اۋقىمدى. باسقارمانىڭ ءمالى­مەتىنە سۇيەنسەك, بيىل ءداندى جانە بۇرشاقتى داقىلدار جوس­پارى 310,4 مىڭ گەكتارعا دەيىن جەت­كىزىلىپ, وتكەن جىلعىدان 3,5 پايىزعا كوبەيگەن. وبلىس­تىق اۋىل شارۋاشىلىعى باس­قار­ماسىنىڭ باسشىسى بەرىك نىع­ماشەۆ اعىمداعى جىلى ماي­لى داقىلداردى 3, قانت قىزىل­شاسىن 6, كارتوپتى 7,6, كوكونىس-باقشا داقىلدارىن 1,5, ال مال ازىعى داقىلدارىن 1 پايىزعا ارتتىرۋ كوزدەلىپ وتىرعانىن ايتادى. 

جالپى, كوكتەمگى ەگىس جۇمىس­تارىنىڭ قارقىن الۋى اكىمدىككە عانا ەمەس, شارۋالارعا دا تىكەلەي بايلانىستى. ءاربىر ديقان وزىنە بەلگىلەنگەن مەجەنى باعىندىرا السا, جەمىسىنىڭ دە جاقسى بولاتىنى اقيقات. بۇل ورايدا ءوڭىر اگرارشىلارى بيىل اۋىل شارۋاشىلىعى داقىلدارىنىڭ ەگىستىك كولەمىن 673,8 مىڭ گەك­تار­عا جەتكىزۋدى جوسپارلاپ وتىر ەكەن. بۇل كورسەتكىش وتكەن جىلمەن سالىس­تىرعاندا 8 پايىزعا ارتىق ورىندالادى دەگەن ءسوز. 

ءوڭىر ديقاندارى بيىلعى كوكتەمنىڭ جىلداعىدان وزگەشە بولىپ تۇرعانىن ايتۋدا. سەبەبى بيىل 103 734 گەكتار جەر جىرتىلۋى ءتيىس بولسا, وسى ۋاقىتقا دەيىن 93 301 گەكتار جەر ەگىستىككە دايىن تۇر ەكەن. ال وتكەن جىلى ءدال وسى ۋاقىتتا 64 917 گەكتار جەردى عانا جىرتۋ مۇمكىن بولىپتى. نەگىزىنەن جامبىل وبلىسى بويىنشا اۋىل شارۋاشىلىعى سالاسىن دامىتۋ ماقساتىندا 397 284 گەكتار جەر دايىندالۋ كەرەك بولسا, بۇگىنگە 297 766 گەكتار جەر دايىن ەكەن. جامبىل وبلىسىندا بىرقا­­­تار اۋداندار نەگىزىنەن اۋىل شارۋا­شىلىعى سالاسىن دامىتۋعا قولايل­ى. ال جەرى باي, تابيعاتى بولەك جۋالى اۋدانى بيىل 22 335 گەكتار جەردى جىرتۋدى جوس­پارلاسا, ازىرگە مۇنىڭ 21 910 گەكتارىن ازىرلەپتى. بۇل ماق­­­ساتقا جۋالىلىق شارۋالار دا ەرەكشە قۇلشىنىس تانىتىپ وتىر. سول سياقتى وڭىردەگى مەركى, شۋ, قورداي اۋداندارى دا جەر جىرتىپ, القاپتى ەگىسكە دايىنداۋدا ءتيىستى جۇمىستار اتقارۋدا. ال وڭىردەگى اۋداندار بويىنشا جازدىق ماساقتى داقىلدار 181 801 گەكتار جەرگە جوسپارلانعان بولسا, بۇگىندە 159 180 گەكتار القاپقا داقىل سەبىلىپ قويىپتى. جالپى, جامبىل وبلىسى اۋىل شارۋاشىلىعى سالاسىن دامىتۋعا قولايلى. قىس قاھارى ەرتە كەتىپ, كوكتەم ەرتە شىعاتىن وڭىردە ەندى بىرەر اپتادا دالا جۇمىستارى دا ءوز مەجەسىنە جەتىپ قالادى.  جامبىل وبلىسى