سارسەنبى, 28 ناۋرىز 2012 7:55
ەلىمىزدىڭ باس پروكۋراتۋراسى استاناداعى ەقىۇ ورتالىعىمەن, «قازاقستان رەسپۋبليكاسىنداعى سوت جانە قۇقىقتىق رەفورمالاردى قولداۋ» اتتى ەۋروپالىق وداق جوباسى جانە «ادام قۇقىقتارى ءۇشىن حارتياسى» قوعامدىق قورىمەن بىرلەسىپ الماتى قالاسىندا «قازاقستان رەسپۋبليكاسى قىلمىستىق ءىس-جۇرگىزۋ كودەكسى جاڭا مودەلىنىڭ شەڭبەرىندەگى كىناسىن مويىنداۋ تۋرالى مامىلە» تاقىرىبىندا حالىقارالىق دوڭگەلەك ۇستەل وتكىزدى.
سارسەنبى, 28 ناۋرىز 2012 7:55
ەلىمىزدىڭ باس پروكۋراتۋراسى استاناداعى ەقىۇ ورتالىعىمەن, «قازاقستان رەسپۋبليكاسىنداعى سوت جانە قۇقىقتىق رەفورمالاردى قولداۋ» اتتى ەۋروپالىق وداق جوباسى جانە «ادام قۇقىقتارى ءۇشىن حارتياسى» قوعامدىق قورىمەن بىرلەسىپ الماتى قالاسىندا «قازاقستان رەسپۋبليكاسى قىلمىستىق ءىس-جۇرگىزۋ كودەكسى جاڭا مودەلىنىڭ شەڭبەرىندەگى كىناسىن مويىنداۋ تۋرالى مامىلە» تاقىرىبىندا حالىقارالىق دوڭگەلەك ۇستەل وتكىزدى.
وندا مەملەكەت باسشىسىنىڭ قىلمىستىق ىستەردى تەرگەۋ جۇيەسىن وڭتايلاندىرۋ, قۇقىق قورعاۋ قىزمەتىن جەتىلدىرۋ جونىندەگى تاپسىرمالارىن ورىنداۋ اياسىندا قىلمىستىق ءىس جۇرگىزۋ زاڭىن جەتىلدىرۋ جانە شەتەلدەردىڭ الدىڭعى قاتارلى تاجىريبەسىن قولدانۋ ماسەلەلەرى تالقىلاندى. وسىعان وراي جينالىسقا قاتىسۋشىلار, سوڭعى ونجىلدىقتا ەۋروپا ەلدەرى ءىس جۇرگىزۋ زاڭناماسىن جەتىلدىرۋ ناتيجەسىندە سوت ءوندىرىسىن قاراپايىم جۇرگىزۋگە قول جەتكىزدى, وعان ادىلەت ورگانى مەن ايىپتالۋشىنىڭ اراسىندا كەلىسىم جاساۋ دا سەپتىگىن تيگىزدى. وسىنىڭ نەگىزىندە, ۇلتتىق قۇقىققا دامىعان ەلدەردىڭ قىلمىستىق سوت ءوندىرىسىن بەلگىلى ءبىر دەڭگەيدە ەنگىزۋ قازاقستان قۇقىقتىق جۇيەسىنىڭ تالاپتارىنا جاۋاپ بەرەدى. وسى رەتتە كىناسىن مويىنداۋ تۋرالى مامىلە ينستيتۋتى قىلمىستىق پروتسەستى ايتارلىقتاي جەڭىلدەتۋگە جانە جىلدامداتۋعا, بيۋدجەت شىعىنىن ازايتۋعا, تۇتاستاي العاندا مەملەكەتتىڭ قۇقىق قورعاۋ جۇيەسى قىزمەتىنىڭ تيىمدىلىگىن ارتتىرۋعا باعىتتالعان, دەپ حابارلادى باس پروكۋراتۋرانىڭ ءباسپاسوز قىزمەتى.