ءىس-شارالار 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىنىڭ شەڭبەرىندە بولادى.
اتاپ ايتقاندا, دۇنيەجۇزىلىك دەنساۋلىق كۇنىن مەرەكەلەۋ شەڭبەرىندە ەلدىڭ مەديتسينالىق ءۇيىمدارىندا ساۋىردىڭ 1-ىنەن 10 ارالىعىندا اشىق ەسىك كۇندەرى باستالادى.
ءاربىر نيەت ءبىلدىرۋشى ءوزىنىڭ دەنساۋلىعىنىڭ جاي-كۇيى تۋرالى ارنايى مامانداردىڭ كونسۋلتاتسيالىق-دياگنوستيكالىق جانە پراكتيكالىق بەيىندى مامانداردىڭ كومەگىن تەگىن الا الادى, ولار: وفتالمولوگ, وتورينولارينگولوگ, كارديولوگ, نەۆروپاتولوگ, تراۆماتولوگ, پەدياتر, پسيحياتر-ناركولوگ, ەندوكرينولوگ, بالالار ورتوپەدى, لوگوپەد, دەفەكتولوگ جانە باسقالار.
بۇعان قوسا, دۇنيەجۇزىلىك دەنساۋلىق كۇنى شەڭبەرىندە ەلىمىزدىڭ بارلىق مەديتسينا ۇيىمدارىندا فلەشموبتار, سالاۋاتتى جاتتىعۋلار, ۆەلومارافوندار جانە ت.ب. ءىس-شارالار ۇيىمداستىرىلادى.
جالپى ءبىلىم بەرەتىن مەكتەپتەردە دەنساۋلىق ەلشىلەرىنىڭ, تانىمال سپورتشىلار, انشىلەر, اكتەرلەردىڭ قاتىسۋىمەن جاتتىعۋلار وتەدى.
دەنساۋلىق مەكتەپتەرىندە, العاشقى مەديتسينالىق-سانيتارلىق كومەك ۇيىمدارىندا حالىقپەن مەديتسينا قىزمەتكەرلەرىنىڭ, پسيحولوگتاردىڭ, الەۋمەتتىك قىزمەتكەرلەردىڭ «ۋاقتىلى سكرينينگ ءوتۋ» تاقىرىبىندا كەزدەسۋلەر وتەدى