ورىستەن ايداپ كەتكەنى ءبىر بولەك, قورادان الىپ شىعۋى دا ازايماي وتىر. پوليتسيا تاراپىنان ۇرلىقتى اشۋدا ىلگەرلەۋشىلىك بولعانىمەن تابىلماۋى تارازى باسىن كوبىرەك باسىپ تۇر.
اۋداندىق پوليتسيا ءبولىمى باستىعىنىڭ ورىنباسارى اقتاۋ ەراليەۆ:
«ءبىزدىڭ اۋداندىق پوليتسيا ءبولىمى تاراپىنان ءبىر «ۋاز» اۆتوكولىگىمەن 3 قىزمەتكەر ازاننان كەشكە دەيىن كەزەكشىلىكتە بولادى. ولار ەكى اۋىسىممەن جۇمىس جاسايدى. كۇنى بويى كولىكپەن ءۇش قىزمەتكەر كەزەكشىلىكتە بولسا, تاڭعا دەيىن تاعى كەلەسى اۋىسىم جۇمىسىن جالعاستىرادى. ياعني, باقىلاۋ ءۇزىلىسسىز جۇرەدى. ولار كەزەكشىلىك بارىسىندا اۋداننان شىعىپ جاتقان كولىكتەرگە باقىلاۋ جۇرگىزەدى. ولاردىڭ ىشىندە مال تيەپ بارا جاتقاندار بولسا, ونىڭ زاڭدىلىعىن انىقتايدى», - دەيدى.
ول مال ۇرلىعىنىڭ كوبەيۋىنىڭ ءبىر سەبەبى, ورتادان باقتاشى جالداپ, مالدى پاداعا قوسپاۋدان ەكەندىگىندە ايتادى. سول سياقتى باس يەسىز جۇرگەن ءىرى قارالاردىڭ اۆتودالىزدەرگە شىعىپ كەتىپ, اۋىر جۇك ماشينالارىنا قاعىلىپ جاتقاندارى دا بار ەكەن.
«مال اشۋى-جان اشۋى» دەگەنمەن, اق ادال مالىنىڭ بارىمتاشىلاردىڭ قولىندا كەتۋىنە يەلەرىنىڭ دە جاۋاپكەرشىلىگى بار ەكەنىن قاپەرگە العان ءجون-اۋ.