بيىل مىنە بىرنەشە كۇننەن بەرى بەسقاراعاي اۋدانى تۇرعىندارى ءتىلسىز جاۋمەن كۇرەسۋدە. 1 ساۋىردە اۋدان ورتالىعى – بەسقاراعاي اۋىلىندا 80-گە جۋىق ءۇيدىڭ اۋلاسىنا سۋ كىرگەنى, ءتىپتى ءبىر ءۇيدىڭ قابىرعاسى قاقىراپ, قۇلاپ قالعانى جايىندا ايتىلعان-دى.
بۇگىن وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى بەسقاراعاي اۋىلىندا 3 ءۇي مەن 59 ءۇيدىڭ اۋلاسى سۋ استىندا قالىپ وتىرعانىن, سۋ باسقان باسپانالاردان 7 ادام قاۋىپسىز جەرگە كوشىرىلگەنىن, اۋدان ورتالىعىنداعى كوللەدجدە, ورتا مەكتەپ پەن بالاباقشادا 250 ادامدى قابىلداۋعا قاۋقارلى ەۆاكۋاتسيالىق بەكەتتەر اشىلعانىن حابارلادى. «كۋليكوۆسكوە كولىنەن سۋدى بۇرۋ ءۇشىن اۋىل اراسىنداعى جولدان ۇزىندىعى 15 مەتر, تەرەڭدىگى 30 سم بولاتىن ور قازىلدى.
مۇندا سۋ دەڭگەيى تۇراقتاندى. الايدا, ەندى اعىن سۋ قامىش كولىنە قۇيىپ جاتىر. سۋدى ساعاتىنا 500 تەكشە مەترگە دەيىن سورۋعا قابىلەتتى 2 سورعىش موتور-سورعى ورناتىلدى. جالپى العاندا 156 مىڭ تەكشە مەتردەن استام سۋ سورىلدى.
جەرگىلىكتى اتقارۋشى ورگانداردان تيەگىش, كاماز جانە ەكسكاۆاتورلار جۇمىلدىرىلدى», - دەيدى وبلىستىق توتەنشە جاعدايلار دەپارتامەنتى باستىعىنىڭ ورىنباسارى الەكساندر لومىگين.
شىعىس قازاقستان وبلىسى,
بەسقاراعاي اۋدانى