ءبىرىنشى كوممۋنالدىق سەنبىلىككە تۇرعىن ءۇي قورىنىڭ 257 قىزمەت كورسەتۋ ۇيىمى مەن بىرقاتار شاعىن جانە ورتا بيزنەس كاسىپورنى قاتىستى, دەپ حابارلادى قالا اكىمىنىڭ ورىنباسارى ارمان تۇرلىبەك فەيسبۋكتەگى پاراقشاسىندا.
«بارلىق تۇرعىنداردى 20 ءساۋىر مەن 11 مامىر ارالىعىندا وتەتىن جالپى قالالىق سەنبىلىكتەرگە قاتىسۋعا شاقىرامىز. ءبىزدىڭ قوعامدى قالا كوشەلەرىندە تازالىقتى ساقتاۋعا جانە ەكولوگيالىق مادەنيەتتى قالىپتاستىرۋعا ۇيرەتەيىك. سەنبىلىكتەن #trashtag حەشتەگى استىندا ۆيرۋستى فوتو مەن قالانىڭ جاڭا ترەندىن جاساڭىز», – دەپ ول قالا تۇرعىندارىن سەنبىلىككە اتسالىسۋعا شاقىردى.
26 ناۋرىزدان 26 مامىرعا دەيىن وتەتىن كوكتەمگى جالپىقالالىق اكتسيا بارىسىندا قالانى سانيتارلىق تازالاۋ, كوشەلەردى, تروتۋارلاردى جانە ورامىشىلىك اۋماقتاردى تازالاۋ, اعاشتار وتىرعىزۋ, نوسەرلىك جانە ارىق-ناۋالىق كارىز جەلىلەرىن تازالاۋ, ساياباقتار, گۇلزارلار مەن رۇقسات ەتىلمەگەن قوقىس تاستايتىن جەرلەردى جويۋ جوسپارلانعان.