قالاداعى 30-دان استام جۇمىس بەرۋشى ءوز كاسىپورىندارىندا بار بوس جۇمىس ورىندارىن ۇسىنادى, دەپ حابايرلايدى ەلوردا اكىمدىگىنىڭ رەسمي سايتى.
29 ناۋرىزدا «استانا جاستارى» رەسۋرستىق ورتالىعى جاستار جىلىن وتكىزۋ اياسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە (ق. ساتباەۆ كوشەسى, 2) بوس جۇمىس ورىندار جارمەڭكەسىن ۇيىمداستىرادى.
جارمەڭكەگە قالاداعى 30-دان استام جۇمىس بەرۋشى قاتىسادى دەپ كۇتىلۋدە.
«بۇل – ەلوردا جاستارى ءۇشىن وزدەرى قالاعان سالاداعى بوس جۇمىس ورىندارىن زەرتتەپ, بىرنەشە جۇمىس بەرۋشىمەن ءبىر جەردە تىكەلەي سۇحباتتاسا الۋدىڭ كەرەمەت مۇمكىندىگى. وسى تەكتەس ءىس-شارالارعا كەلۋ, تاجىريبەسى بار جۇمىس ىزدەۋشىلەرگە دە, قانداي دا ءبىر سەبەپتەرگە بايلانىستى ءوز جۇمىسىندا جەتىستىككە جەتە الماي, ءوز ورنىن ىزدەپ جۇرگەندەرگە, سونداي-اق تۇلەكتەر مەن ستۋدەنتتەرگە دە وتە پايدالى. بىرەۋلەر ءۇشىن وزدەرى قالاعان سالاداعى بوس ورىنداردى زەرتتەۋدىڭ, باسقالارى ءۇشىن ەڭبەك نارىعىن ءىس جۇزىندە زەرتتەۋدىڭ, اناعۇرلىم قىزىقتى قىزمەت اياسىن جانە قىزمەتكەر رەتىندەگى ءوز باعاسىن انىقتاۋدىڭ زور مۇمكىندىگى», – دەلىنگەن رەسۋرستىق ورتالىقتىڭ ءباسپاسوز حابارلاماسىندا.
شارا جوو, موو تۇلەكتەرى جانە ەلوردا جاستارى اراسىندا جۇمىسسىزدىقتى ازايتۋ ماقساتىندا وتكىزىلگەلى وتىر.