«الەۋمەتتىك مەديتسينالىق ساقتاندىرۋ قورى» اق وڭىرلىك فيليالىنىڭ مالىمەتىنشە, وبلىس اۋماعىندا تۋبەركۋلەزبەن اۋىرعاندار كورسەتكىشى 4,4 پايىزعا ازايىپ, وسى دەرتتەن بولاتىن ءولىم-ءجىتىم 18,7 پايىزعا قىسقارعان.
بۇل كۇندەرى وڭىردە اتالعان دەرتپەن اۋىراتىن 792 ادام ديسپانسەرلىك ەسەپتە تۇر.
بيىل تۋبەركۋلەز دەرتىمەن اۋىرعانداردى ەمدەۋ مەن ساۋىقتىرۋعا 2 ملرد تەڭگەدەن استام قارجى قاراستىرىلعان, ونىڭ ىشىندە 320 ميلليون تەڭگە ءدارى-دارمەكپەن قامتاماسىز ەتۋگە جۇمسالادى.
وڭىرلىك «مەديتسينالىق ساقتاندىرۋ قورى» فيليالىنىڭ ديرەكتورى ايدار سەيىتقازينوۆتىڭ ايتۋىنشا, جالپى, قولدانىستاعى ەمدەۋ كولەمى بويىنشا ءبىر ناۋقاسقا ايىنا 220 215 تەڭگە بولىنەدى. بۇل مەديتسينالىق قىزمەتتەردىڭ ساپاسىن ارتتىرۋعا مۇمكىندىك بەرەدى.
ياعني, دەر كەزىندە انىقتالىپ, ءتيىستى ەم-دوم جاسالسا تۋبەركۋلەز اۋرۋىن تولىق ەمدەپ جازۋعا بولادى. سوندىقتان اۋرۋدى اسقىندىرماي, ەمدەۋشى دارىگەردىڭ نۇسقاۋلارىن ورىنداۋدىڭ ماڭىزى زور دەيدى دارىگەرلەر.
ال, دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, 2000 جانە 2016 جىلدار ارالىعىندا تۋبەركۋلەزدى ەرتە انىقتاۋ مەن ەمدەۋ ناتيجەسىندە الەم دارىگەرلەرى 53 ميلليوننان استام ادامنىڭ ءومىرىن ساقتاپ قالعان.
تۋبەركۋلەزدىڭ قاراپايىم ءتۇرىن ەمدەۋگە شامامەن 6 ايعا جۋىق ۋاقىت كەتەدى. قازىرگى كەزدەگى مەديتسيناداعى جاڭاشىلدىقتار بۇل دەرتتىڭ جابىق تۇرىمەن اۋىراتىن ناۋقاستاردىڭ دا ەمحانادا امبۋلاتورلىق ەم قابىلداۋىنا مۇمكىندىك بەرەدى.
فاريدا بىقاي,
«ەگەمەن قازاقستان»
پاۆلودار