قر پرەمەر-ءمينيسترى ا. ءماميننىڭ توراعالىعىمەن وتكەن ۇكىمەت وتىرىسىندا قر ۇكىمەتى مەن ۇلتتىق بانكى اراسىنداعى 2019 جىلعا ماكروەكونوميكالىق ساياسات شارالارىن ۇيلەستىرۋ تۋرالى كەلىسىم جوباسى ماقۇلداندى.
ۇلتتىق بانكتىڭ توراعاسى ە. دوساەۆتىڭ جانە ۇلتتىق ەكونوميكا ءمينيسترى ر. دالەنوۆتىڭ باياندامالارىن تىڭداعان سوڭ, پرەمەر-مينيستر ا. مامين العاش رەت ۇكىمەت پەن ۇلتتىق بانك اراسىنداعى ءوزارا ءىس-قيمىل كەلىسىم تۇرىندە راسىمدەلگەنىن اتاپ ءوتتى. بۇل بىرلەسكەن جاڭا جۇمىس فورماتى.
بىرىنشىدەن, ەكونوميكالىق ءوسىمدى قولداۋ بويىنشا ءوزارا ءىس-قيمىل ايقىندالادى.
ەكىنشىدەن, 10 ناقتى مىندەت ايقىندالدى.
ۇشىنشىدەن, جالپى فيسكالدىق, ۆاليۋتالىق, اقشا-كرەديت جانە ماكروەكونوميكالىق ساياساتتىڭ بولجامدى بولۋى جاعىنان نارىققا ناقتى بەلگى بەرىلەدى.
«كەلىسىمنىڭ ىسكە اسۋىنىڭ ارقاسىندا ەكونوميكانىڭ ساپالى وسۋى جانە حالىقتىڭ تۇرمىس ساپاسىنىڭ ارتۋى قامتاماسىز ەتىلەدى», — دەپ اتاپ ءوتتى پرەمەر-مينيستر.