بۇگىن ۇكىمەت وتىرىسىندا اقپارات جانە قوعامدىق دامۋ ءمينيسترى داۋرەن اباەۆ جاستار جىلىن وتكىزۋ جونىندەگى 89 تارماق, بەس باعىتتان تۇراتىن جول كارتاسىنىڭ جوباسىن ءتۇسىندىردى.
ءمينيستردىڭ ايتۋىنشا, ءتورتىنشى باعىت - جاستاردىڭ الەۋمەتتىك بەلسەندىلىگىن دامىتۋ.
«بۇل باعىتتى «جاسىل ەل» قوزعالىسىنىڭ «جاسىل قالا – جاسىل اۋىل» ورتاق ۇلتتىق جوباسىنىڭ اياسىندا جۇزەگە اسىرۋ قاراستىرىلىپ وتىر. قۇرىلىس كومپانيالارىندا ستۋدەنتتىك قۇرىلىس وتريادتارى ءۇشىن كۆوتا بولىنەدى. جاس وتباسىلاردى, دەنساۋلىق پەن الەۋمەتتىك ينكليۋزيۆتىلىكتى قولداۋ تۋرالى باعىت بار. مۇندا ايماقتىق جاستار چەمپيوناتى مەن ستۋدەنتتەر ۋنيۆەرسيادالارىن وتكىزۋ تاجىريبەسىن جاڭارتۋ جوسپارلانعان», دەيدى ۆەدومستۆو باسشىسى.
ءمينيستردىڭ ايتۋىنشا, بەسىنشى باعىتتىڭ اياسىندا بىرقاتار كەشەندى جوبالاردى جۇزەگە اسىرۋ قاراستىرىلعان. ولاردىڭ ىشىندە ءتۇرلى جاستار ساناتىن الەۋمەتتەندىرۋگە, ءسۋيتسيدتىڭ الدىن-الۋعا, وتباسى ينستيتۋتىن نىعايتۋ جانە وتباسىلىق قۇندىلىقتاردى العا جىلجىتۋ, دارىندى جاستاردى قولداۋ جانە تاعى باسقا باعىتتار بار.
«جوعارىدا مەن اتاپ وتكەن باعىتتاردىڭ بارلىعىن جۇزەگە اسىرۋ جاس وتباسىلاردىڭ الەۋمەتتىك احۋالىن ارتتىرۋعا, ادامي كاپيتالىن وسىرۋگە, باستاعان ىستەرىنە قانات بىتىرۋگە داڭعىل جول اشادى», دەدى مينيستر.