ناۋرىز مەرەكەسى كۇندەرى قاراسۋ اۋدانىنداعى وكتيابر سەلوسىندا 7 بالا ءوسىرىپ وتىرعان كوپ بالالى قابىلديندەر وتباسى وزدەرىن پوليتسەيلەر وسىنشا قۋانتادى دەپ ويلاماعان ەدى. ولار پوليتسەيلەر كەلگەندە «نە بولىپ قالدى؟» دەپ تىكسىندى. ءتارتىپ ساقشىلارى كوپ بالالى وتباسىنا مەرەكەلىك سىيلىقتار مەن ازىق-ت ۇلىكتەر اكەلگەن ەدى.
وتاعاسى مەن وتاناسىنىڭ ۋاقىتشا جۇمىستاردا ىستەپ تاباتىن تابىسى وتباسىنىڭ بارلىق قاجەتىنە تۇگەل جەتە بەرمەيدى. ولار پوليتسەيلەر اكەلگەن ازىق-ت ۇلىكتىڭ بىرازعا جەتەتىنىن ءبىلىپ, قۋانىپ قالدى.
«پوليتسەيلەر الەۋمەتتىك از قورعالعان وتباسىلارعا كومەكتەسۋگە تىرىسادى. جالپى ءتارتىپ ساقشىلارى كومەك سۇراعان ادامدارعا قاي جاعىنان بولسىن كومەككە ءازىر», دەيدى اۋداندىق پوليتسيا ءبولىمىنىڭ باستىعى ەرلان راحيموۆ.
جانار قابىلدينا العان كومەگى ءۇشىن العىسىن ايتتى. وسى وتباسىن قامقورلىعىنا العان پوليتسەيلەر ەندى قابىلديندەردىڭ ءجيى قوناعى بولادى.
ءنازيرا جارىمبەت,
«ەگەمەن قازاقستان»
قوستاناي