بۇل تۋرالى يندۋستريا جانە ينفراقۇرىلىمدىق دامۋ ءمينيسترى رومان سكليار ۇكىمەت وتىرىسىندا ايتتى.
«وڭدەۋ سەكتورىنا ەلباسىنىڭ تاپسىرماسى بويىنشا “قاراپايىم زاتتار ەكونوميكاسىنىڭ” سالاسىن جەڭىلدىكپەن نەسيەلەۋ باعدارلاماسىنا بولىنگەن 600 ملرد تەڭگە جاڭا سەرپىن بەرۋى ءتيىس, ونىڭ 400 ملرد تەڭگەسى ونەركاسىپتىك تاۋارلار ءوندىرىسى مەن جەكەلەگەن قىزمەت تۇرلەرىن دامىتۋعا باعىتتالادى. بۇل جەڭىل, جيھاز جانە ازىق-ت ۇلىك ونەركاسىبى مەن قۇرىلىس يندۋسترياسى سالالارىنىڭ كۇندەلىكتى قولدانىلاتىن 250-گە جۋىق ونەركاسىپتىك تاۋار ءوندىرىسىن ىسكە قوسۋعا مۇمكىندىك بەرەدى», دەدى ر.سكليار.
سونىمەن قاتار مينيستر 2025 جىلعا قاراي بيزنەستى جەڭىلدىكپەن قارجىلاندىرۋ 16 مىڭعا جۋىق تۇراقتى جۇمىس ورنىن قۇرۋعا, بيۋدجەتكە تۇسەتىن سالىقتى 1,1 ترلن تەڭگەگە دەيىن وسىرۋگە, “قاراپايىم زاتتار ەكونوميكاسى” ءونىمىنىڭ يمپورتتىڭ ۇلەسىن 59%-تەن 37%-كە دەيىن تومەندەتۋگە مۇمكىندىك بەرەتىنىن ايتىپ ءوتتى.
«بيىل جەڭىل ونەركاسىپتەگى ءىرى جوبالار جاڭعىرتىلادى جانە اۋقىمى كەڭەيتىلەتىن بولادى. “قاراپايىم زاتتار ەكونوميكاسى” باعدارلاماسىن ىسكە اسىرۋ بويىنشا “اتامەكەن” ۇلتتىق كاسىپكەرلەر پالاتاسى بازاسىندا قۇرىلعان جوبالىق كەڭسە باعدارلاما اياسىندا قولداۋ ءبىلدىرۋ ءۇشىن بيزنەسكە كومەك كورسەتۋگە جانە اقپاراتتاندىرۋعا مۇمكىندىك بەرەدى», دەدى مينيستر ءوز سوزىندە.
سونداي-اق مينيسترلىك ىسكە اسىراتىن قازاقستان-قىتاي جوبالارى دا (جالپى سوماسى $ 22,8 ملرد. قۇرايتىن 32 جوبا)وڭدەۋ ونەركاسىبىنىڭ ءوسىمىن قامتاماسىز ەتۋگە ۇلەس قوساتىنىن جەتكىزدى مينيستر.
«2015-ءشى جىلدان 2018-ءشى جىلعا دەيىن جالپى سوماسى 295 ملن اقش دوللارىن قۇرايتىن 5 جوبا ىسكە قوسىلدى», دەدى مينيستر.
ولاردىڭ ىشىندەگى ەڭ ماڭىزدىلارى:
تسەمەنت ءوندىرىسى «DanAke» جشس, China Gezhouba Cement Co. Ltd. (2018 جىلعى جەلتوقساندا ىسكە قوسىلدى, ينۆەستيتسيالار: $ 178 ملن., قۋاتى: 1 ملن. توننا, سونىڭ ىشىندە تىعىنداۋ ارقىلى وندىرىلگەن – 300 مىڭ توننا, پورتلاند – 700 مىڭ توننا, جۇمىس ورىندارى: 226 ادام); JAC برەندىنىڭ جەڭىل اۆتوموبيلدەرىن ءىرى توراپتى قۇراستىرۋ (DKD/SKD) جانە ۇساق توراپتى قۇراستىرۋ (CKD) ادىستەرىمەن«سارىاركااۆتوپروم» جشس جانە JAC Motorsسمس ستراتەگيالىق سەرىكتەسىمەن بىرىگىپ ءوندىرۋ, سمس (ينۆەستيتسيالار: $ 22 ملن., قۋاتى: جەڭىل اۆتوموبيلدەر 10 مىڭ بىرلىككە دەيىن, جۇك كولىكتەرى 3 مىڭ بىرلىككە دەيىن. جۇمىس ورىندارى: 350 ادام. قولدانىسقا ەنگىزۋ: 1 كەزەڭ - 2015 ج., 2 كەزەڭ - 2017 ج.); «قورعاس– شىعىس قاقپاعى» ەەا اۋماعىنداعى قۇرلىق پورتى, «KTZE-Khorgos Gateway» جشس, Lianyungang Port Holding Group Co. Ltd., COSCO Shipping Lines Co. Ltd. (ينۆەستيتسيالار: $ 76 ملن. – 2017 جىلعى مامىردا ۇلەستىڭ ساتىپ الىنۋى. قىتايلىق تاراپ «KTZE – Khorgos Gateway» جشس-ءنىڭ 49% اكتسياسىن ساتىپ الدى).5 360 ملن.دوللاردىڭ 7 جوباسى ىسكە اسىرىلۋ بارىسىندا, 2019 جىلى ونىڭ ىشىندەگى 350 ملن.دوللاردىڭ 3 جوباسى ىسكە قوسىلادى.