مەرەكە كۇندەرى الماتى قالاسى مەن الماتى وبلىسىندا زيالى قاۋىممەن, عالىمدارمەن جانە ينجەنەرلەرمەن كەزدەستىم.
حالىقتىڭ اراسىندا ءجۇرىپ, كوپ نارسەنى كوكەيگە ءتۇيدىم. سوندىقتان ەستىگەنىمدى ەمەس, كورگەنىمدى, جۇرەگىمە تۇيگەنىمدى ايتقىم كەلەدى. الدىمەن, ءبىز بۇگىن شىن مانىندە تاريحي ءساتتى باستان كەشىرىپ جاتقانىمىزعا نازار اۋدارسام دەيمىن. ەلباسىنىڭ تاريحي شەشىمى مەن ەلدىڭ دامۋ جولىنداعى تىڭ وزگەرىستەر حالىق تاراپىنان قىزۋ قولداۋ تابۋدا. حالىق ەلباسى نۇرسۇلتان ءابىش ۇلىنىڭ اينالدىرعان 30 جىلدىڭ ىشىندە بۇكىل الەم مويىنداعان, الپاۋىت ەلدەردىڭ وزدەرى ساناساتىن, ەكونوميكاسى تۇراقتى, ساياسي الەۋەتى زور, قۋاتتى مەملەكەت قۇرعانىن ەرەكشە ايتىپ, وزدەرىنىڭ شەكسىز ريزاشىلىقتارىن جەتكىزۋدە. ەلباسىنىڭ ەسىمى ەل تاريحىنا التىن ارىپپەن جازىلاتىن تۇلعا بولىپ قالاتىنىن دا ايتىپ, وزدەرىنىڭ قولداۋلارىن ءبىلدىرىپ جاتىر. ەلباسى قازاقستاندى ساياسي تۇراقتى, بۇكىل الەم تانىعان جانە قۇرمەتتەيتىن, زاماناۋي, قارقىندى دامىپ كەلە جاتقان وزىق مەملەكەتكە اينالدىرا ءبىلدى. قازاقستان بارلىق ەكونوميكالىق كورسەتكىشتەر بويىنشا ورتالىق ازيانىڭ كوشباسشىسىنا اينالدى. تۇڭعىش پرەزيدەنتتىڭ ەرەن ەڭبەگىنىڭ ارقاسىندا ءبىز الەمنىڭ باسەكەگە قابىلەتتى 50 ەلىنىڭ قاتارىنا قوسىلدىق. الدىمىزدا دامىعان 30 ەلدىڭ قاتارىنا ەنۋگە باعىتتالعان ناقتى ماقساتتار تۇر.
XXI عاسىردا جاڭا استانامىزدىڭ بوي كوتەرۋى دە تۇڭعىش پرەزيدەنتىمىزدىڭ ەڭ باستى ەرلىكتەرىنىڭ ءبىرى. بار-جوعى 20 جىلدا باس قالامىز تəۋەلسىز ەلىمىزدىڭ شىنايى بەت-بەينەسىنە, حالقىمىزدىڭ ماقتانىشىنا اينالدى. استانامىز, وتكەننىڭ قۇندىلىقتارىن كورسەتە وتىرىپ, كۇللى əلەمگە قازاقستاننىڭ جاڭا بەينەسىن كورسەتتى. ەلباسىنىڭ وسىنداي قىرۋار ەڭبەكتەرىن ەل بولىپ باعالاپ, پارلامەنتتىڭ ءبىراۋىزدان قابىلداعان شەشىمى نەگىزىندە قازاقستان پرەزيدەنتى قاسىم-جومارت توقاەۆ استانا قالاسىن نۇر-سۇلتان دەپ اتاۋ تۋرالى جارلىققا قول قويدى. ءوز باسىم بۇل قادامدى حالىقتىڭ قازاقستاننىڭ تۇڭعىش پرەزيدەنتىنە كورسەتكەن قۇرمەتى دەپ بىلەمىن جانە ونى تولىعىمەن قولدايمىن. سونداي-اق بۇل شەشىمدى ۋاقتىلى جانە ورىندى قابىلداندى دەپ ەسەپتەيمىن. ءدال وسىنداي ءسوزدى ەلدەگى زيالى قاۋىم وكىلدەرى, عالىمدار مەن ينجەنەرلەر دە ايتۋدا.
باقىتجان جۇماعۇلوۆ,
سەنات دەپۋتاتى