جوبا ىسكە اسىرىلعان 4 جىلدا جالپى سوماسى شامامەن 4,9 ترلن تەڭگە بولاتىن 480 جوبا ىسكە قوسىلىپ, 44 مىڭنان استام تۇراقتى جۇمىس ورنى قۇرىلدى. بۇل تۋرالى يندۋستريا جانە ينفراقۇرىلىمدىق دامۋ ءمينيسترى ر.سكليار ۇكىمەت وتىرىسىندا ايتتى.
«جوبا اياسىندا تاۋ-كەن مەتاللۋرگيا كەشەنى (40), حيميا (28), فارماتسەۆتيكا (6), جەڭىل(21) جانە ازىق-ت ۇلىك (23) ونەركاسىبى, ماشينا جاساۋ (55), قۇرىلىس يندۋسترياسى (146), ەنەرگەتيكا (13), مۇناي وڭدەۋ (20), اگروونەركاسىپ كەشەنى جانە اۋىل شارۋاشىلىق ونىمدەرىن وڭدەۋ (122) جۇمىستارى ىسكە اسىرىلدى», دەدى ر.سكليار.
ءمينيستردىڭ ايتۋىنشا, ەسەپتى كەزەڭدە باعدارلامانىڭ بارلىق ماقساتتى ينديكاتورلارى بويىنشا وڭ ناتيجەگە قول جەتكىزىلدى.
«ەسەپتى كەزەڭدە جالپى ىشكى ونىمدەگى وڭدەۋ ونەركاسىبىنىڭ ۇلەسى 10,1%-تەن 11,6%-كە دەيىن, سالاداعى جۇمىسپەن قامتىلعاندار ۇلەسى 6,6%-تەن 6,9%-كە دەيىن ءوستى», دەدى ول.