بۇل تۋرالى يندۋستريا جانە ينفراقۇرىلىمدىق دامۋ ءمينيسترى رومان سكليار ۇكىمەت وتىرىسىندا ايتتى.
«ماشينا جاساۋدا اۆتوكولىك قۇرالدارى ءوندىرىسىن 32 مىڭ بىرلىكتەن 60 مىڭ بىرلىككە دەيىن ارتتىرۋدى جوسپارلاپ وتىرمىز. ونەركاسىپتىك كووپەراتسيا اياسىندا ءبىز ءۇشىن ەۋرازيالىق وداق نارىقتارى باسىمدىققا يە. بيىل Hyundai ماركالى جەڭىل اۆتوكولىك وندىرەتىن زاۋىت قۇرىلىسىن باستايمىز», دەدى مينيستر.
سونىمەن قاتار مينيستر «كاماز» كوپشىلىك اكتسيونەرلىك قوعامىمەن بىرلەسكەن ونەركاسىپ قۇرىلاتىنىن ايتتى. سونداي-اق اۋىل شارۋاشىلىعى تەحنيكاسىنىڭ كومپونەنتتەرىن وندىرەتىن تەحنولوگيالاردى بەرەتىن «كيروۆەتس» زاۋىتىمەن ودان ءارى ىنتىماقتاسۋ جوسپارى بار ەكەنىمەن ءبولىستى.
«تاۋ-كەن ءوندىرۋ ونەركاسىبىندە مەتالدى كەندەر ءوندىرۋ كولەمى (جوسپار 107,1%)”سوكولوۆ سارىباي تاۋ-كەن بايىتۋ وندىرىستىك بىرلەستىگى” اكتسيونەرلىك قوعامىنىڭ تەمىر كەنىن 5,5%-كە جانە “وركەن” جاۋاپكەرشىلىگى شەكتەۋلى سەرىكتەستىگىنىڭ مىس كەنىن 31,5%-كە, KAZ Minerals كومپانيالار توبىنىڭ مىس كەنىن ءوندىرۋدى 8,5%-كە جانە باقىرشىق تاۋ-كەن ءوندىرۋ كاسىپورنىنىڭ قۇرامىندا التىنى بار كەن ءوندىرۋدى 60%-كە ارتتىرۋى ەسەبىنەن قول جەتكىزىلەدى», دەدى مينيستر.