دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ توراعاسى جانداربەك بەكشين ۇلىستىڭ ۇلى كۇنى – ناۋرىز مەرەكەسى كەزىندە حالىقتى تاماقتان ۋلانۋدان ساق بولۋعا شاقىرادى.
مەرەكە قارساڭىندا ارنايى بريفينگ وتكىزگەن باس مەملەكەتتىك سانيتارلىق دارىگەر وتكەن جىلى ناۋرىز كەزىندە ەلىمىز بويىنشا قوعامدىق تاماقتانۋ ورنىنان اس ىشكەن 15 كىسىنىڭ, وتباسىندا تاماقتانعان 6 كىسىنىڭ ۋلانعانىن ايتا كەلىپ, ەرەكشە كوڭىل بولەتىن جايتتارعا توقتالدى.
«ناۋرىز مەيرامىندا ەڭ ءجيى كەزدەسەتىن جاعداي – تاماقتان ۋلانۋ مەن جەدەل ىشەك ينفەكتسياسى. ويتكەنى مەرەكەدە تاماقتى 3-4 كۇنگە دەيىن ساقتاپ, پايدالاناتىن جاعدايلار ءجيى كەزدەسەدى. كەز كەلگەن تاعامدى مۇزداتقىشتا 6-8 ساعاتتان ارتىق ساقتاۋعا بولمايدى. ناۋرىز كوجەگە كوبىنەسە ىستالعان, سۇرلەنگەن ەت قوسىلاتىندىقتان, ونى ۇزاق ساقتاعاندا قۇرامىنداعى ماي تەز ب ۇلىنەدى. اسىرەسە قۇس ونىمدەرىنىڭ قۇرامىنداعى سالمونەللەز سياقتى كەيبىر قوزدىرعىشتار – 20 گرادۋستا كوبەيەدى. سوندىقتان ءبىز مەكتەپتەرگە, بالاباقشالار مەن قوعامدىق ۇيىمدارعا ۇيدە دايىندالعان تاعامداردى اكەلۋگە تىيىم سالامىز. ەكىنشىدەن, مەيلى ۇيدە نەمەسە ۇلكەندى-كىشىلى قوعامدىق تاماقتانۋ ورىندارىندا بولسىن, شيكى تاعام مەن دايىن تاماققا ەشۋاقىتتا ءبىر تاقتايدى, ءبىر پىشاقتى قولدانۋعا بولمايدى جانە ونى ءبىر رەت قولدانۋعا ارنالعان قولعاپتارمەن ۇستاۋ كەرەك. سونداي-اق ونى توڭازىتقىشقا دا بولەك قويۋ كەرەك», دەيدى ج.بەكشين.
اسىرەسە سەرتيفيكاتى مەن مەديتسينالىق كىتاپشاسى جوق اسحانا, مەيرامحانالاردا تاماقتانۋدان جانە بازارلاردا شيكى ازىق-ت ۇلىك الۋدان ساق بولۋدى ەرەكشە ەسكەرتتى. «قازىر شاعىن كاسىپكەرلىكتى قورعايتىن كوپتەگەن ەرەجەلەر بولعاندىقتان 50 ورىندىققا دەيىنگى ءدامحانالاردا, تاعام دايىندايتىن ورىندارعا تەكسەرۋگە بارا المايمىز. سونداي-اق ازىق-ت ۇلىك ساتاتىن دۇكەندەردى دە جوسپارلى تۇردە تەكسەرمەيمىز. تۇتىنۋشىلاردىڭ ارىز-شاعىمى تۇسكەن جاعدايدا عانا تەكسەرە الامىز. سوندىقتان تاماقتانۋدان بۇرىن اسحانالار مەن مەيرامحانالاردان مەديتسينالىق كىتاپشاسىن تالاپ ەتىڭىز. بازارلارداعى شيكى ازىق-ت ۇلىك ساتۋشىدان سەرتيفيكات تالاپ ەتىڭىز. بۇل ءسىزدىڭ قۇقىڭىز. ونداي فاكتىلەر انىقتالعان جاعدايدا ءبىزدىڭ جەرگىلىكتى ورگاندارعا حابارلاپ نەمەسە سانيتارلىق دارىگەرلەردى شاقىرتۋ كەرەك. پوليتسيا قىزمەتكەرلەرىنىڭ كومەگىنە جۇگىنۋگە دە بولادى», دەدى جانداربەك مۇحتار ۇلى.
مەيرام كەزىندە الاڭدار مەن كوشەلەردە ساۋدا دۇكەندەرى مەن دۇڭگىرشەكتەردەن تىس جەرلەردە جەكە ادامداردىڭ قولىنان تاماق جەمەۋدى دە ەسكەرتكەن باس مەملەكەتتىك سانيتارلىق دارىگەر كەز كەلگەن ساتۋشىدان جەرگىلىكتى دەنساۋلىق ساقتاۋ ۇيىمدارىنىڭ ءونىمنىڭ اسسورتيمەنتىنە بايلانىستى رۇقساتى بار-جوعىن انىقتاپ الۋ كەرەكتىگىن ايتادى.
مايگۇل سۇلتان,
«Egemen Qazaqstan»