ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە «ەلباسىنىڭ تاريحي ءرولى» اتتى تاقىرىپتا جيىن وتكىزىلدى. القالى باسقوسۋعا جوعارى وقۋ ورىننىڭ باسشىلارى, اقتوبە وبلىستىق قازاقستان حالقى اسسامبلەياسىنىڭ مۇشەلەرى, وقىتۋشىلار مەن جاس عالىمدار قاتىستى.
— مىڭ ءولىپ, مىڭ تىرىلگەن حالقىمىزدىڭ ارعى-بەرگى تاريحىندا نە ءبىر الاپات زاماندار ءوتىپ, ونىڭ باسىنا نە ءبىر قيىندىقتار تونگەنى بەلگىلى. ءبىزدىڭ ەل رەتىندە ساقتالىپ قالىپ, تاۋەلسىزدىك الۋىمىز — تاعدىردىڭ اسا زور سىيى. حح عاسىر باسىندا قازاقتان وزىق, «ونەر, ءبىلىم بار جۇرتتار» قاتارىندا بولعان كەيبىر حالىقتاردىڭ وزدەرى مۇنداي باقىتقا جەتە المادى. بىراق تاۋەلسىزدىككە جەتكەن شاقتا الدىمىزدا وتپەلى كەزەڭدەرگە ءتان كوپتەگەن قاۋىپ-قاتەرلەرمەنقيىن اسۋلار تۇردى. ەلباسىمىزدىڭ دانا باسشىلىعى ارقاسىندا سونىڭ بارىنەن امان ءوتىپ, الەمگە تانىلعان مەملەكەت اتاندىق. ەلباسى — كسرو كۇيرەگەن كۇردەلى كەزەڭدەجاڭا مەملەكەتتىڭ نەگىزىن قالاپ, ەلىمىزدى بارشا الەمگە مويىنداتقان تۇلعا, — دەدى جيىندا اشىپ ءسوز سويلەگەن باۋىرجان ەردەمبەكوۆ. بۇدان ءارى ول ەلباسى نۇرسۇلتان نازارباەۆتىڭ قازاق ەلىنىڭ تاۋەلسىزدىگىن باياندى ەتۋ, ۇلتارالىق قاقتىعىستاردىڭ الدىن الۋ, شەت جەردە جۇرگەن وتانداستارىمىزدىڭ ەلگە ورالۋىنا جاعداي تۋعىزۋ, كورشىلەس ەلدەرمەن, سونىڭ ىشىندە رەسەيمەن شەكارانى ايقىنداپ, بەكىتۋ جانە ەل ەكونوميكاسىن كوتەرۋ جولىنداعى ۇشان-تەڭىز ەڭبەكتەرى جونىندە بايانداپ بەردى.
ال قازاقستان كورەيلەرى اسسوتسياتسياسى اقتوبە وبلىستىق فيليالىنىڭ توراعاسى كونستانتين تسحاي ءوز وي-پىكىرىن تومەندەگىشە تۇيىندەدى.
— ەلباسىنىڭ ءوز وكىلەتتىگىن توقتاتاتىندىعى تۋرالى ۇندەۋى ءبارىمىز ءۇشىن كۇتپەگەن جاعداي بولدى. بۇل, ارينە,ءبىر جاعىنانوكىنىش تۋعىزعانداي اسەر قالدىردى.ويتكەنى ءبىز جاس مەملەكەتىمىزدىڭ جەتكەن بارلىق تابىستارى مەن جەتىستىكتەرىن ەلباسىنىڭ ەسىمىمەن بايلانىستىرامىز. ەلىمىزدىڭ ءسانتۇرلى ەتنوس وكىلدەرىنەنقۇرالعان حالقى ءبىر ءۇيدىڭ بالاسىنداي ىنتىماقپەن بىرلىكتە ءومىر ءسۇرىپ كەلەدى.ءبىزدىڭ ەڭ ۇلكەن بايلىعىمىز - ىنتىماقپەن بىرلىك. بۇل ەلباسىنىڭ بولاشاقتى بولجاي بىلەتىن كورەگەن ساياساتىنىڭ جەمىسى دەپ بىلەمىز. الدىمىزدا تۇرعان ءبىر نارسە ايقىن. ەلباسى – تۇڭعىش پرەزيدەنتىمىز ساياساتتان ءبىرجولا كەتپەيدى. ول قاۋىپسىزدىك كەڭەسىنىڭ توراعاسى, قازاقستان حالقى اسسامبلەياسىنىڭ توراعاسى رەتىندە ەڭبەك ەتە بەرەدى. بۇل ءبىزدى قۋانتادى.
جيىندا سويلەگەن وزگە دە شەشەندەر مەن عالىمدار ەلباسى نۇرسۇلتان نازارباەۆتىڭ ەگەمەن ەلىمىزدىڭ نەگىزىن قالاۋشى, مەملەكەت قۇرۋشى رەتىندەگى تاريحي ءرولىن جوعارى باعالايتىندارىن جونىندە ءتۇيىن جاسادى.
ينديرا جايماعامبەتوۆا,
جۋرناليست
تەمىر قۇسايىن,
«ەگەمەن قازاقستان»
اقتوبە