بۇل جايىندا قر ءىىم توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەت ايتتى.
بۇگىن ساعات 07-10-دا ماڭعىستاۋ وبلىستىق تجد كەزەكشى-ديسپەتچەرلىك قىزمەتىنە ماڭعىستاۋ اۋدانىنداعى «ماڭعىستاۋمۇنايگاز» اق-تىڭ «قالامقاس» مۇناي كەن ورنىنداعى ۇڭعىمالاردىڭ بىرىنەن شىققان گاز جانىپ, بيىكتى 10 مەترگە دەيىن جالىن اتقىلاپ تۇرعاندىعى تۋرالى حابارلاما تۇسەن. ءورت اۋماعى 900 شارشى مەتردى قۇرايدى.
«قازا تاپقاندار مەن زارداپ شەككەندەر جوق. ءورتتى سوندىرۋگە «سەمسەر ءورت ءسوندىرۋشى» جشس جانە «قاراجامباس» جشس ۇكىمەتتىك ەمەس ءورت ءسوندىرۋ قىزمەتتەرىنىڭ 14 مامانى مەن 4 تەحنيكاسى جۇمىلدىرىلعان», دەدى نۇرسۇلتان نۇراحمەت.
ايتا كەتەيىك, «قالامقاس» مۇناي-گاز كەن ورنىندا «سي بۋ» ينجەنەرلىك بۇرعىلاۋ كومپانياسى» جشس جوبالىق تەرەڭدىگى 903 مەترلىك №8237 ۇڭعىماسىن بۇرعىلاۋ بارىسىندا گاز-سۋ قوسپاسى اتقىلاپ, توتەنشە جاعداي ورىن العان ەدى.