قازاق ەلىنىڭ تۇڭعىش پرەزيدەنتى, «Nur Otan» پارتياسىنىڭ كوشباسشىسى نۇرسۇلتان نازارباەۆ تاريحي وتە ماڭىزدى شەشىمىن جاريا ەتتى. الەۋمەتتىك جەلىلەردە حالىقتىڭ قيماستىقپەن, سونداي باۋىرمالدىق سەزىممەن جازىپ جاتقان پىكىرلەرىن وقىپ, ەلباسىمىزبەن مارقايا ماقتانىپ وتىرمىز.
جەكە مەملەكەت بولىپ قۇرىلعان العاشقى كۇننەن باستاپ تاۋەلسىز قازاقستان بەيبىتشىلىك پەن تۇراقتىلىقتى مەجەگە الدى. دامۋدىڭ دارا جولىندا حالىقتىڭ الەۋمەتتىك احۋالىن جاقسارتۋ, ەكونوميكالىق ءوسىم مەن ۇلتتىق رۋحتى اسقاقتاتۋ, حالىقتىڭ رۋحاني جاڭعىرۋىنا باسا كوڭىل ءبولۋ ەڭ الدىمەن نۇرسۇلتان نازارباەۆتىڭ كورەگەندىگىن اڭعارتسا كەرەك.
قازاقستان دا بىرەر جىلدان كەيىن ءۇش وندىقتىڭ بەلەسىن ارتقا تاستاماق. بۇل ارالىقتا ازيا كەڭىستىگىندە ەكونوميكاسى تۇراقتى, ءال-اۋقاتى ارتقان ەلدىڭ كوشىن باستاعان مەملەكەتىمىز الەمنىڭ الپاۋىت دەرجاۆالارىنىڭ الدىندا بيىك بەدەلىمەن دارالاندى.
ءبىزدىڭ شىعىس قازاقستان ءۇشىن, ۇلى ابايدىڭ ەلى ءۇشىن ەلباسى ەڭبەگىنىڭ جوعارى جەتىستىگى – يادرولىق قارۋدان باس تارتۋى. 130-دان استام ۇلتتىڭ وكىلىن بىرىكتىرگەن جاس مەملەكەتتىڭ بىرلىگى تورتكۇل تاراپقا ونەگە بولدى.
نۇرسۇلتان ءابىش ۇلى – «Nur Otan» پارتياسىنىڭ كوشباسشىسى, نەگىزىن قالاۋشى تاريحي تۇلعا. پرەزيدەنتتىك مىندەتتەن كەتسە دە, جۇرەگى, تىلەگى, العا قويعان مەجەسى – حالىقپەن بىرگە بولۋ. ولاي بولسا, كوشباسشىمىزبەن بىرگە نىق قادام باسا وتىرىپ, پارتيا تاريحىنىڭ جاڭا كەزەڭىن باستايمىز.
ال ەلباسىمىزدىڭ ەلوردامىز – استانانىڭ سالىنۋىنا, اياعىنان قاز تۇرۋىنا, الەمگە تانىلۋىنا سىڭىرگەن ەڭبەگى ۇشان تەڭىز. سوندىقتان استانا قالاسىنا نۇر-سۇلتان اتاۋىنىڭ بەرىلۋى وتە ورىندى ءارى لايىقتى شەشىم بولعانى انىق.
انۋاربەك مۇحتارحانوۆ,
«Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى
وسكەمەن