رەسەيلىك ەcho.msk.ru ينتەرنەت-رەسۋرسى ەلباسى نۇرسۇلتان نازارباەۆتىڭ پرەزيدەنتتىك وكىلەتتىگىن توقتاتۋىنا قاتىستى پىكىر ءبىلدىردى.
«قازاقستان تاۋەلسىزدىگىن الماي تۇرىپ, نازارباەۆ ەكى جىل بويى قازاقستان كومپارتياسى ورتالىق كوميتەتىنىڭ حاتشىسى قىزمەتىن اتقاردى. كەيىنىرەك ونىڭ باسشىلىعىمەن قازاق ەلى 1991 جىلى تاۋەلسىزدىگىن الدى. سودان بەرى ول 30 جىل بويى مەملەكەت باسشىسى بولدى. پرەزيدەنتتىك سايلاۋعا بەس رەت ءتۇسىپ, قايتا سايلانىپ وتىردى. وعان بەرىلگەن «ۇلت كوشباسشىسى» مارتەبەسى ونىڭ ەلدەگى شىن مانىندە قادىرلەيتىن تۇلعا ەكەنىن كورسەتەدى» دەلىنگەن جازبادا.
سونداي-اق ەcho.msk.ru ورتالىق ازياداعى كورشى ەلدەردەگى بيلىك قۇرىلىمىنا توقتالادى.
«مىسالى, قىرعىزستاندا بيلىكتىڭ مۇلدەم باسقا قۇرىلىمى بار ەكەنى, مەملەكەت باسشىسى ءوز حالقىنىڭ الدىندا ەشقاشان قۇرمەتكە يە بولماعانى بايقالادى. سول سىندى وزبەكستاندى مىسال ەتسەك, حالىق كارىموۆتى قۇرمەتتەۋدەن بۇرىن ودان قورقاتىن. سونداي-اق كارىموۆتىڭ تەز ارادا قايتىس بولۋى ونىڭ جوسپارلارىنىڭ جۇزەگە اسپاۋىنا سەبەپ بولعانىن اتاپ وتۋگە بولادى» دەپ جازدى ەcho.msk.ru.
بۇدان ءارى نازارباەۆتىڭ مۇنداي شەشىمدى قابىلداۋى ۇلكەن جاۋاپكەرشىلىك ەكەنى ايتىلادى.
«ول ءوزىنىڭ ەمەس, ەلىنىڭ مۇددەسىن كوزدەدى. پرەزيدەنت ەكى جىل ۋاقىتتان بەرى ۇكىمەت وكىلەتتىگىن كەڭەيتۋ ارقىلى بۇل شەشىمگە بىرتە-بىرتە كەلگەنى بايقالادى. نازارباەۆ قاۋىپسىزدىك كەڭەسىنىڭ توراعاسى قىزمەتىندە قالا بەرەدى. سونداي-اق ول «نۇر وتان» پارتياسىنىڭ باسشىسى بولىپ قالادى. ونىڭ بۇل ارەكەتىن جاڭا پرەزيدەنتكە قولداۋ كورسەتۋى دەپ تۇسىنۋگە بولادى. ويتكەنى جاس كەلگەن سايىن ادامدار دانا شەشىمدەر قابىلداۋعا قابىلەتتى بولىپ كەلەدى. ول جاڭا باسشىعا ءوزىنىڭ ءىس-تاجىريبەسى مەن جاھاندىق ماسەلەلەردى شەشۋدە تاپتىرماس كەڭەستەرىمەن بولىسەتىن بولادى» دەپ جازدى رەسەيلىك ەcho.msk.ru.
سونىمەن قاتار جازبادا الداعى ۋاقىتتا پرەزيدەنت وكىلەتتىگىن تاجىريبەلى ديپلومات, ەلباسىنىڭ سەنىمدى تۇلعاسى قاسىم-جومارت توقاەۆ اتقاراتىنى جانە پارلامەنت سەناتىنا پرەزيدەنتتىڭ ۇلكەن قىزى داريعا نازارباەۆا توراعالىق ەتەتىنى ايتىلادى.
«بيلىكتىڭ وسىلايشا اۋىسۋى ورىندى بولدى. ايتپەگەندە كۇتپەگەن جاعدايدا قايعىلى كۇن تۋسا, بيلىكتە تارتىس بولۋى مۇمكىن ەدى. نازارباەۆ قيىن جاعدايدىڭ الدىن الدى» دەپ جازدى ەcho.msk.ru.
بۇدان سوڭ, ەcho.msk.ru قازاقستاننىڭ تاۋەلسىزدىگىن العاننان بەرگى جەتىستىكتەرىن اتاپ ءوتتى.
«بۇگىنگى كۇنگە دەيىنگى ارالىقتا قازاقستاندىقتاردىڭ جالاقىسى 17 ەسەگە دەيىن ءوستى. ءىجو كولەمى بويىنشا قازاقستان كوشباسشى ورىنعا يە. بيزنەستى جۇرگىزۋ شارتتارىنىڭ قولايلىلىعى بويىنشا ەلدەردى باعالاۋ رەيتينگىندە قازاقستان 36-ورىندا. جاھاندىق قاتىناستا بۇل - ماڭىزدى كورسەتكىشتەر. سونداي-اق مۇندا جاڭا استانا سالىندى. نازارباەۆ الەمنىڭ ەڭ دامىعان 50 ەلىنىڭ رەيتينگىنە كىرۋ مەجەسىن قويدى. اتالعان ەلدە مۇناي, گاز, التىن, ۋران جانە تاعى دا باسقا پايدالى قازبالار بار» دەلىنگەن جازبادا.