كەشە قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ رەسەي فەدەراتسياسى ۇكىمەتىنىڭ توراعاسى ۆلاديمير پۋتينمەن كەزدەسۋگە دايىندىق شەڭبەرىندە رەسەي ۇكىمەتى توراعاسىنىڭ ءبىرىنشى ورىنباسارى يگور شۋۆالوۆپەن كەزدەستى.ماسكەۋدە وتەتىن ەكى ەل ۇكىمەتتەرى باسشىلارىنىڭ كەزدەسۋىندە ەكى ەلدىڭ كەدەن وداعى شەڭبەرىندەگى قىزمەتتەستىكتەرىنە قاتىستى ءبىرقاتار ماسەلەلەر تالقىلانباقشى.
ك.ءماسىموۆ اتاپ كورسەتكەندەي, قازاقستان, رەسەي جانە بەلارۋس پرەزيدەنتتەرى كول جەتكىزگەن كەدەن وداعىن قۇرۋ تۋرالى كەلىسىمدەر بۇگىندە ءىس جۇزىنە اسۋدا. قازىرگى كۇنى كەدەن كودەكسىنە تۇزەتۋلەر ەنگىزۋ ءجونىندەگى ورتاق شەشىمدەر قابىلدانىپ, يمپورتتىق باج سالىعىنان ءتۇسەتىن اقشا قارجىلارىن ءبولۋ ءجونىندەگى ۋاعدالاستىققا قول جەتكىزىلدى.
تاياۋ ۋاقىتتاردا تاراپتار كەدەن قىزمەتتەرىنىڭ ءوزارا ءىس-قيمىلدارىن كەلىسىپ, كەدەن بەكەتتەرىنىڭ بىرەگەي جۇمىس رەگلامەنتىن قالىپتاستىرۋى قاجەت.
پرەمەر-ءمينيستردىڭ ءباسپاسوز قىزمەتى.