بۇل كۇندەرى اقش-تىڭ مايامي قالاسىندا جۇلدە قورى 9 314 875 دوللاردى قۇراعان حالىقارالىق تۋرنير وتۋدە. وسى جارىستا قازاقستاننىڭ ءۇش تەننيسشىسى باق سىناعان ەدى.
وكىنىشكە قاراي, ميحايل كۋكۋشكيننىڭ جولى بولمادى. ول الەمدىك رەيتينگتە وزىنەن 36 ساتى تومەن تۇرعان ارگەنتينالىق گيدو اندرەوسسيدەن ايلاسىن اسىرا المادى – 6:7, 4:6. وسى تۋرنيرگە ىرىكتەۋ سىنىنان ءوتۋ ارقىلى قاتىسقان الەكساندر بۋبليك تۇساۋكەسەر كەزدەسۋىندە اتر تىزىمىندە وزىنەن 40 ساتى جوعارى تۇرعان امەريكالىق تەننيس ساندگرەنگە سان سوقتىردى – 5:7, 6:4, 7:6. ەندى جەرلەسىمىز الەمنىڭ 33 راكەتكاسى اۆستراليالىق نيك كيروسپەن كۇش سىناسادى.
ايەلدەر سايىسىندا الەمنىڭ 44 راكەتكاسى يۋليا پۋتينتسەۆا ەكىنشى كەزەڭگە ءوتتى. باستاپقى باسەكەدە ول Wتا تىزىمىندە 55 ورىندا تۇرعان بەلگيالىق كيرستەن فليپكەنستەن باسىم ءتۇستى – 4:6, 6:4, 7:5. وسى كەزدەسۋ بارىسىندا تورەشىنىڭ شەشىمىمەن كەلىسپەگەن وتانداسىمىز ءبىراز جانجال شىعاردى. راكەتكانى سىندىرىپ, باس كيىمىن لاقتىرىپ, قازىنى بالاعاتتادى. ەندى وسى ارەكەتى ءۇشىن وعان ايىپ سالىنۋى مۇمكىن. ەكىنشى اينالىمدا پۋتينتسەۆا الەمنىڭ 20 راكەتكاسى شۆەيتساريالىق بەليندا بەنچيچپەن شەبەرلىك بايقاسادى.
عالىم سۇلەيمەن,
«Egemen Qazaqstan»