جەتىسۋ جۇرتى ۇلىستىڭ ۇلى كۇنىن اتاپ ءوتتى. ايماقتىڭ بارلىق اۋدان ورتالىقتارى مەن اۋىلدارىندا جالپىحالىقتىق مەرەكە ۇيىمداستارىلىپ, نارۋىز ناقىشتارىنا ساي شارالار ءوتتى.
وبلىس ورتالىعىنداعى ناۋرىز مەرەكەسى بۇگىن بۇلاق كوزىن اشۋدان باستالىپ, اعاش وتىرعىزۋ مەن سابيلەردىڭ تۇساۋ كەسەرىنە جالعاستى. بارنەن قۋانىشتىسى, بۇگىن تالدىقورعاندا 56 پاتەرلى تۇرعىن ءۇي پايدالانۋعا بەرىلىپ, باسپانا يەلەرى قونىس تويىن تويلادى.
قالاداعى نەگىزگى مەرەكەلىك شارا «جاستار» ساياباعىندا ۇيىمداستىرىلدى. مۇندا تۇرعىندار مەن قالا قوناقتارىنا 5 مىڭ ليتر ناۋرىز كوجە مەن 1 توننا باۋىرساق تەگىن ۇسىنىلدى.
- ءاز ناۋرىز – ەڭسەسى بيىك ەلدىكتىڭ, ىرگەسى بەكەم بىرلىكتىڭ, سارقىلماس ىرىستىڭ باستاۋى. ۇلىستىڭ ۇلى كۇنىن حالقىمىز جىل سايىن شات كوڭىل, كەڭ پەيىلمەن قارسى الادى. بۇل مەرەكە كوپ ەتنوستى قازاقستان حالقىن دوستىق پەن تاتۋلىققا شاقىرىپ, يگى ىستەرگە جۇمىلدىرىپ كەلەدى. جىل باسى سانالاتىن وسى مەرەيلى كۇنىندە وتكەن جىل ەلىمىز ءۇشىن تابىستى كەزەڭ بولعانىن ريزاشىلىقپەن ايتامىز. جىل باسى ناۋرىز وتانىمىزعا جاڭا تابىستار اكەلسىن. قازاقستاننىڭ ابىرويى ارتىپ, ايبىنى اسقاق بولسىن! ۇلىستىڭ ۇلى كۇنى ءار شاڭىراققا باقىت پەن شاتتىق ورناپ, قۇت دارىسىن! بارشاڭىزعا كوكتەمدەي كوڭىل كۇي, مولشىلىق, بەرەكە-بىرلىك تىلەيمىن! ۇلىس وڭ بولسىن, مەرەكە قۇتتى بولسىن! – دەدى مەرەكەلىك قۇتتىقتاۋىندا وبلىس اكىمى اماندىق باتالوۆ.
قالماحانبەت مۇقامەتقالي,
«Egemen Qazaqstan»
الماتى وبلىسى