22 ناۋرىز كۇنى قازاقستاننىڭ وڭتۇستىگىندە, باتىسى مەن ورتالىعىندا اتموسفەرالىق فرونتتاردىڭ وتۋىنە بايلانىستى قۇبىلمالى اۋا رايى كۇتىلەدى, كەي جەرلەردە جاۋىن-شاشىن بولادى. رەسپۋبليكانىڭ قالعان ايماقتارىندا جاۋىن-شاشىنسىز كۇن رايى بولجانادى. جەكەلەگەن اۋماقتاردا تۇمان, كوكتايعاق, وڭتۇستىكتە ەكپىندى جەل, نايزاعاي ساقتالادى.
«قازگيدرومەت» رمك-نىڭ مالىمەتىنشە, كۇندىز تۇركىستان وبلىسىنىڭ كەي جەرلەرىندە نايزاعاي كۇتىلەدى, جەل 15-20 م/س كۇشەيەدى. الماتى وبلىسىنىڭ جالاڭاشكول اۋدانىندا جەل 17-22 م/س ارتادى. باتىس قازاقستان, قاراعاندى وبلىستارىندا كەي جەرلەردە تۇمان, كوكتايعاق بولجانادى. جامبىل, قىزىلوردا, ماڭعىستاۋ, اتىراۋ, قوستاناي, سولتۇستىك قازاقستان, شىعىس قازاقستان وبلىستارىنىڭ, تۇندە پاۆلودار وبلىسىنىڭ كەي جەرلەرىندە تۇمان كۇتىلەدى.