اڭگىمەلەسۋ بارىسىندا ۆلاديمير پۋتين ەكى جاقتى وداقتاستىق قارىم-قاتىناستاردى دامىتۋعا زور ەڭبەك سىڭىرگەنى ءۇشىن نۇرسۇلتان نازارباەۆقا العىس ءبىلدىرىپ, ونىڭ ەۋرازيالىق ينتەگراتسيا جوباسىن ىسكە اسىرۋداعى تاريحي ءرولىن اتاپ ءوتتى. بۇل تۋرالى اقوردانىڭ ءباسپاسوز قىزمەتى xابارلادى.
رەسەي پرەزيدەنتى قازاقستاننىڭ تۇڭعىش پرەزيدەنتىنىڭ ەۋرازيا ەكونوميكالىق وداعى اياسىنداعى ىنتىماقتاستىقتى نىعايتۋ ۇدەرىستەرىنە بەلسەندى اتسالىسا بەرەتىنىنە سەنىم ءبىلدىردى.
سونىمەن قاتار, ۆلاديمير پۋتين قاسىم-جومارت توقاەۆتى مەملەكەت باسشىسى لاۋازىمىنا كىرىسۋىمەن قۇتتىقتاپ, جاۋاپتى قىزمەتىنە تابىس تىلەدى.
مەملەكەتتەر باسشىلارى قازاقستان مەن رەسەيدىڭ بارلىق سالاداعى سىندارلى ىنتىماقتاستىعىن ودان ءارى ىلگەرىلەتۋ ءۇشىن تىعىز ىقپالداستىقتا بولۋعا, سونداي-اق كۇن تارتىبىندەگى حالىقارالىق وزەكتى ماسەلەلەردى شەشۋ جولىندا بىرلەسە جۇمىس ىستەۋگە ۋاعدالاستى.
سونداي-اق, ۆلاديمير پۋتين قازاقستان پرەزيدەنتى قاسىم-جومارت توقاەۆتى جاقىن ارادا رەسەي فەدەراتسياسىنا ساپارمەن كەلۋگە شاقىردى.