كەشە قوستاناي قالالىق ءماسليحاتىنىڭ كەزەكتەن تىس سەسسياسىندا دەپۋتاتتار وبلىس ورتالىعىنداعى اباي داڭعىلىن نۇرسۇلتان نازارباەۆتىڭ اتىنا وزگەرتۋدى قولداپ, ءبىر كىسىدەي داۋىس بەرگەن ەدى. ءتيىستى قۇجات قازاقستان رەسپۋبليكاسىنىڭ ۇكىمەتى جانىنداعى رەسپۋبليكالىق ونوماستيكا كوميسسياسىنىڭ قاراۋىنا جىبەرىلگەن بولاتىن. الايدا بۇل شەشىم ونوماستيكا كوميسسياسى مۇشەلەرىنىڭ تاراپىنان قولداۋ تاپپادى.
كوميسسيا مۇشەلەرى وزگەرتۋ ءۇشىن كوشەنى تاڭداۋدى قايتا قاراۋعا ۇسىنىس ءبىلدىردى. وسىعان بايلانىستى اباي داڭعىلىنىڭ اتىن وزگەرتۋ تۋرالى ماسەلە ازىرگە كۇن تارتىبىنەن ءتۇستى. الداعى ۋاقىتتا قوستاناي قالسىنداعى ورتالىق كوشەلەردىڭ ءبىرىن ن.نازارباەۆتىڭ اتىنا بەرۋ ماسەلەسى زاڭ اياسىندا ازاماتتاردىڭ قاراۋىمەن, ۇسىنىسىمەن بەلگىلەنگەن ءتارتىپ جانە مەرزىممەن قارالاتىن بولادى.
ءنازيرا جارىمبەت,
«ەگەمەن قازاقستان»
قوستاناي