قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ تاجىكستان رەسپۋبليكاسىنىڭ پرەزيدەنتى ەمومالي راحمونمەن تەلەفون ارقىلى سويلەستى. بۇل تۋرالى اقوردا حابارلادى.
اڭگىمەلەسۋ بارىسىندا تاجىكستان پرەزيدەنتى نۇرسۇلتان نازارباەۆتىڭ جاھاندىق دەڭگەيدە مويىندالعان ساياساتكەر رەتىندە تاۋەلسىز قازاقستاننىڭ دامۋىنا, سونداي-اق وڭىردەگى جانە الەمدەگى تۇراقتىلىق پەن قاۋىپسىزدىكتى نىعايتۋعا ولشەۋسىز ۇلەس قوسقانىن اتاپ ءوتتى.
ەمومالي راحمون تاجىكستان حالقى قازاقستاننىڭ تۇڭعىش پرەزيدەنتىنىڭ قازاقستان-تاجىكستان ستراتەگيالىق سەرىكتەستىگىن ىلگەرىلەتۋدەگى تاريحي ءرولىن جوعارى باعالايتىنىن ايتتى.
تاجىكستان پرەزيدەنتى ەمومالي راحمون نۇرسۇلتان نازارباەۆقا زور دەنساۋلىق جانە الداعى قىزمەتىنە تابىس تىلەدى.
تاراپتار الداعى ۋاقىتتا تۇراقتى بايلانىستارىن جالعاستىرا بەرۋگە ۋاعدالاستى.