پرەزيدەنت قاسىم-جومارت توقاەۆ استانا قالاسىنىڭ اتاۋىن جانە ەلىمىزدەگى وبلىس ورتالىقتارىندا ەلباسى ن.نازارباەۆقا كوشە اتتارىن بەرۋدى ۇسىنعان ەدى. ەل پرەزيدەنتى بۇل ۇسىنىسىن قر پارلامەنتىنىڭ قوس پالاتاسى جانە قر ۇكىمەتى مۇشەلەرى الدىندا سويلەگەن سوزىندە ايتتى.
وسىعان وراي بۇگىن التىنشى شاقىرىلىمداعى شىمكەنت قالاسى ءماسليحاتىنىڭ كەزەكتەن تىس قىرىق التىنشى سەسسياسىندا قالا دەپۋتاتتارىنىڭ قولداۋىمەن شىمكەنت قالاسىنداعى استانا داڭعىلىنا نۇرسۇلتان نازارباەۆ ەسىمى بەرىلدى. كەزەكتەن تىس ۇيىمداستىرىلعان جيىنعا قالا اكىمى جانە ءماسليحات حاتشىسى, اكىمدىك مۇشەلەرى, جەرگىلىكتى اتقارۋشى ورگان باسشىلارى قاتىسىپ, بارلىعى بۇل شەشىمدى قولدادى.
«ەلباسىنىڭ ءومىر جولى وسكەلەڭ ۇرپاققا ۇلگى. ءبىز نۇرسۇلتان ءƏبىش ۇلىنىڭ باسشىلىعىمەن العاش رەت ءتول تەڭگەمىزدى ۇستاعانىمىزدى, ەلتاڭبامىزعا سۇيسىنگەنىمىزدى ەشقاشان ۇمىتپايمىز! دəل وسى كەزەڭدە قازاقتىڭ العاشقى سپورتشىلارى وليمپيادادا جەڭىس تۇعىرىنىڭ بيىگىنە شىعىپ, كوك تۋىمىزدى جەلبىرەتىپ, بۇكىل əلەمگە قازاقستان رەسپۋبليكاسىنىڭ Əنۇرانىن تىڭداتتى. قانشاما اۋىل-اۋداندار قازاقشا اتاۋىن قايتا الدى. ءتىپتى, «الما-اتا» الماتى بولىپ, «چيمكەنتتىڭ» تاريحي شىمكەنت اتى قايتا جاڭعىردى. قازاق ءتىلىنىڭ مəرتەبەسى استى. ءبىر عانا شىمكەنت شاھارىندا جۇزدەگەن كوپقاباتتى تۇرعىن ءۇي سالىندى. جاڭا مەكتەپتەر مەن اۋرۋحانا, ەمحانالاردىڭ سəۋلەتى قانداي تارتىمدى؟! استانا! ەسىلدىڭ جاعاسىنداعى بوس جاتقان دالانى əسەم قالاعا اينالدىرۋدىڭ وراسان زور ەڭبەك ەكەنىن بۇكىل əلەم مويىندادى. ەل ەڭسەسىن كوتەرەتىن سəۋلەتتى عيماراتتاردىڭ سانى كوبەيدى. تəۋەلسىز ەلدىڭ ىرگەسىن بەكىتىپ, بۇعاناسىن قاتايتتى» دەدى شىمكەنت قالاسى ءماسليحاتىنىڭ حاتشىسى عاني تاشقاراەۆ.
ەستەرىڭىزگە سالار بولساق, استانا داڭعىلى – شىمكەنت قالاسىنىڭ باس كوشەسى. وندا قالانىڭ اكىمشىلىك-ىسكەرلىك ورتالىعى ورنالاسقان.
نۇرشات توكەن,
«Egemen Qazaqstan»
شىمكەنت