ناۋرىز مەيرامى قارساڭىندا مەرەكەلىك داستارحان ءدامدى, بىراق زياندى, مايلى جانە قورىتىلۋى قيىن تاعامدارعا تولى بولادى.
مەرەكەگە دايىندالىپ, ادامدار داستارحان جايۋ ءۇشىن ازىق-ت ۇلىكتى كوپتەپ ساتىپ الادى. ولاردى دۇكەندەردەن, بازارلاردان ساتىپ العان كەزدە تاۋاردىڭ جارامدىلىق مەرزىمىنە, ونىڭ تۇرىنە, يىسىنە, ساقتاۋ جاعدايلارىنا, تاۋارلىق كورشىلەستىگىنە, وبەكتىنىڭ سانيتارلىق جاعدايىنا نازار اۋدارىڭىز.
ساۋدا جاساۋعا رۇقسات ەتىلمەگەن جەرلەردەگى كەزدەيسوق ادامداردان ازىق-ت ۇلىك تاۋارلارلارىن ساتىپ الماڭىز! سونىمەن قاتار, تاعامنان ۋلانۋدىڭ پايدا بولۋ قاۋپى تۋرالى ايتا كەتۋ كەرەك. ولاردىڭ پايدا بولۋىنىڭ سەبەپتەرى: دايىن تاعامدار, نەگىزىنەن مايونەز نەمەسە قايماق قوسىلعان كوپ كومپونەنتتى سالاتتار, كرەم قوسىلعان كونديتەرلىك ونىمدەر, شابىلعان ەتتەن جاسالعان تاعامدار, حولودەتس, كونسەرۆىلەنگەن قىسقى سالاتتار, مارينادتالعان قيارلار, ۇيدە جاسالعان قىزاناقتار, سونداي-اق شالا جۋىلعان جەمىس-جيدەك, جاڭا پىسكەن كوكونىستەر, ويتكەنى ولاردا ىشەك ينفەكتسيالارى قوزدىرعىشتارىنىڭ قالۋى مۇمكىن.
تاعامنان ۋلانۋدان جانە ينفەكتسيالىق اۋرۋلاردان ساقتانۋ ءۇشىن مىناداي قاعيدالاردى ەستە ۇستاۋ كەرەك:
قانشالىقتى ءدامدى جانە ارزان بولسا دا, دايىن تاعامداردى ساتىپ الماۋعا تىرىسىڭىز. ەگەر دە ءسىز ولاردى ساتىپ الامىن دەپ شەشسەڭىز, وندا ولاردىڭ جارامدىلىق مەرزىمى مەن ساقتاۋ جاعدايلارىن تەكسەرىڭىز; مەرەكەلىك تاعامداردى ۇيدە دايىنداعان كەزدە, ەڭ الدىمەن قولىڭىزدىڭ, جابدىقتاردىڭ, اس ءۇي جابدىقتارىنىڭ, ءۇي-جايدىڭ تازا بولۋىنا كوڭىل ءبولىڭىز; شيكى ازىق-ت ۇلىك پەن دايىن تاعامدى بولەك ساقتاڭىز, ولاردى وڭدەۋ ءۇشىن بولەك پىشاقتاردى جانە تۋرايتىن تاقتايلاردى قولدانىڭىز; جاڭادان دايىندالعان تاعامدى الدىڭعى كۇننەن قالعان تاعام قالدىقتارىمەن ارالاستىرماڭىز; ەگەر دايىن تاعام كەلەسى كۇنگە قالاتىن بولسا, وندا ونى پايدالانۋدىڭ الدىندا تەرميالىق وڭدەۋدەن وتكىزگەن (قايناتقان نەمەسە قۋىرعان) دۇرىس, الايدا مۇنى ىستەمەگەن ءجون; ەتتى, قۇس ەتىن, جۇمىرتقالاردى, تەڭىز ونىمدەرىن جانە مەرەكەلىك داستارحانعا ارنالعان باسقا دا ينگرەديەنتتەردى قۋىرعاندا, قايناتقاندا دۇرىس تەمپەراتۋرالىق رەجيم مەن دايىنداۋ ۋاقىتىن ساقتاعان وتە ماڭىزدى – تەرميالىق وڭدەۋدىڭ زياندى ميكروبتاردى «ولتىرەتىنى» بەلگىلى; تاعامنىڭ كۇدىك تۋعىزاتىن كەز كەلگەن ءتۇرىن تاستاعان دۇرىس.مەرەكە كۇندەرىندە جاپپاي ۋلانۋ وقيعالارىنىڭ جارتىسىنان كوبى – ادامدار قالعان تاعامداردى تاستاۋعا قيمايتىندىعىنان, بىرتىندەپ تاماققا پايدالانىپ, ولاردى كوپ ساقتايتىندىعىنان بولادى.
دەنە قىزۋىنىڭ كوتەرىلۋى, تابەتتىڭ جوعالۋى, سۇيىق ءناجىس, لوقسۋ, قۇسۋ, سونداي-اق ورتالىق جۇيكە جۇيەسى جۇمىسىنداعى جەكەلەگەن بۇزىلۋلار نەمەسە جۇيكە جۇيەسىنىڭ بوتۋليزم كەزىندە ءجيى بايقالاتىن تولىق جۇمىس ىستەمەۋى سياقتى تاعامنان ۋلانۋ بەلگىلەرى پايدا بولعان كەزدە شۇعىل تۇردە مەديتسينالىق كومەككە جۇگىنۋ كەرەك.
مۇنداي قاراپايىم پروفيلاكتيكالىق شارالاردى ورىنداۋ دەنساۋلىعىڭىزدى ساقتاۋعا, سونداي-اق مەيرامدى جاقسى وتكىزۋگە سەپتىگىن تيگىزەدى.