بۇگىن استانا قالاسى ءماسليحاتىنىڭ كەزەكتەن تىس سەسسياسىندا پرەزيدەنت قاسىم-جومارت توقاەۆتىڭ ەلورداعا نۇرسۇلتان اتىن بەرۋ تۋرالى ۇسىنىسى قارالدى.
جيىن بارىسىندا استانا قالاسىنىڭ اكىمى باقىت سۇلتانوۆ بايانداما جاساپ, شاھار ەسىمىن اۋىستىرۋدىڭ قاجەتتىگىن اتاپ ءوتتى. كەزەكتەن تىس سەسسياعا قاتىسقان ءماسليحات دەپۋتاتتارى ءبىر اۋىزدان قالا اتاۋىنىڭ وزگەرتۋىن قولداپ داۋىس بەردى.
ەسكە سالا كەتەيىك, ەلوردانى الماتىدان اقمولاعا اۋىستىرۋ تۋرالى شەشىمدى قازاقستان رەسپۋبليكاسى جوعارعى كەڭەسى 1994 جىلى 6 شىلدەدە قابىلدادى. استانانى رەسمي كوشىرۋ 1997 جىلعى 10 جەلتوقساندا جۇزەگە استى. پرەزيدەنتتىڭ 1998 جىلعى 6 مامىرداعى جارلىعىمەن اقمولانىڭ اتاۋى استانا بولىپ وزگەرتىلدى. جاڭا استانانىڭ حالىقارالىق تۇساۋكەسەرى 1998 جىلعى 10 ماۋسىمدا ءوتتى. 1999 جىلى استانا يۋنەسكو شەشىمىمەن «الەم قالاسى» اتاعىن الدى. قازاقستاننىڭ باس قالاسى 2000 جىلدان باستاپ استانالار مەن ءىرى قالالاردىڭ حالىقارالىق اسسامبلەياسىنىڭ مۇشەسى.