قاسىم-جومارت توقاەۆ ساياسي شەشىم قابىلداۋدا نۇرسۇلتان نازارباەۆتىڭ پىكىرى باسىم مانگە يە بولاتىنىن مالىمدەدى.
«ەلباسىنىڭ بەدەلدى پىكىرى ستراتەگيالىق سيپاتتاعى شەشىمدەردى ازىرلەۋ جانە قابىلداۋ بارىسىندا باسىم مانگە يە بولادى دەپ ايتۋعا بولادى. وسىلايشا, ءبىز بيلىكتى بەيبىت جاعدايدا جۇزەگە اسىرامىز. بۇل ىشكى تۇراقتىلىقتى قامتاماسىز ەتۋدىڭ جانە قازاقستاننىڭ حالىقارالىق بەدەلىن نىعايتۋدىڭ قۋاتتى فاكتورى بولماق. سونداي-اق بۇل ءبىزدىڭ حالقىمىزدىڭ جوعارى ساياسي مادەنيەتىنىڭ, ونىڭ ايرىقشا دانالىعىنىڭ تاعى ءبىر كورىنىسى. بولاشاق ۇرپاق ءۇشىن دە بۇل جاقسى ۇلگى» دەدى توقاەۆ قازاقستان حالقىنا انت بەرۋ ءراسىمى بارىسىندا.