«قازاقكونتسەرت» ساحناسىندا وتكەن «Firework of Stars» حالىقارالىق بي بايقاۋىنا ەلىمىزدىڭ وڭىرلەرىمەن قاتار قىرعىزستان, رەسەي ەلدەرىنەن بيشىلەر قاتىسىپ, ءوز ونەرلەرىن ورتاعا سالدى.
وسى بي دوداسىندا ەرەكشە بي مانەرىمەن كوزگە تۇسكەن «ەسما» بي ستۋدياسىنىڭ بيشىلەرى تالعار اۋدانى تۇزدىباستاۋ اۋىلىنداعى №13 جانە 31 مەكتەپتەردىڭ جانە دە جاقىن اۋىلداردان جينالعان ونەرپازدار. بىرنەشە توپتا ونەر كورسەتكەن «ەسما» بيشىلەر كومانداسىنىڭ مەكتەپكە دەيىنگى توبى «كوكتەم» بيىمەن ءى ورىندى يەلەنسە, «ۆەسەنني لوتوس» بيىمەن ءىى, وزبەك بيىمەن ءىىى ورىندى ەنشىلەدى. «ەسما» بيشىلەر توبىنىڭ جەتەكشىسى ايگەرىم مىرزاحمەتوۆانىڭ ايتۋىنشا, كىشكەنتاي بيشىلەر استانا قالاسىندا وتەتىن حالىقارالىق «رەيتينگ ۋسپەحا» بايقاۋىندا كاسىبي توپتار اراسىندا جارىسقا تۇسۋگە قىزۋ دايىندىقتى باستاپ كەتىپتى.
بي ونەرىنىڭ باسپالداعىندا تۇرعان ونەرپاز قىزدارعا استانا تورىنەن جۇلدەمەن ورالۋعا ساتتىلىك تىلەيمىز!
ەلۆيرا سەرىكقىزى,
«Egemen Qazaqstan»