وزبەكستان رەسپۋبليكاسىنىڭ تاشكەنت قالاسىندا ءوتىپ جاتقان قازاقستان-وزبەكستان بيزنەس-فورۋمىنا وبلىس اكىمىنىڭ ورىنباسارى ە.كيم باستاعان دەلەگاتسيا قاتىستى.
وزبەكستاننىڭ كوپ تاۋارلارى, اتاپ ايتقاندا كوكونىس, باۋ-باقشا ونىمدەرى, جەڭىل ونەركاسىپ بۇيىمدارى قازاقستان نارىعىنا دەندەپ ەنگەن. الايدا, قازاقستاندىقتار بۇل جاعىنان ماقتانا المايدى. وسى ماسەلە پرەمەر-مينيستر اسقار مامين تۇركىستان وبلىسىنا ارنايى كەلىپ, كاسىپكەرلەرمەن كەزدەسكەنىندە دە كوتەرىلگەن بولاتىن.
تاشكەنتتە «قازاقستاندا جاسالعان» ساۋدا برەندىمەن وتكەن بيزنەس-فورۋمعا سىر وڭىرىنەن 17 ءتاۋاروندىرۋشى كاسىپكەرلەر قاتىسىپ, ءوز ونىمدەرىن ۇسىندى. شارا بارىسىندا ەكى جاقتى ەكسپورت, يمپورت ماسەلەلەرىنىڭ وڭتايلى شەشىلەتىندىگى بايقالدى.
باقتيار تايجان,
«Egemen Qazaqstan»
قىزىلوردا وبلىسى