جۇمىستار بەكىتىلگەن كەستەگە ساي جۇرگىزىلىپ جاتىر, دەپ حابارلايدى استانا قالاسى اكىمدىگىنىڭ رەسمي سايتى.
الماتى اۋدانى
«الماتى» اۋدانى اكىمدىگىنىڭ مەردىگەر ۇيىمدارىمەن 21 قاڭتاردا كوكتەمگى كەزەڭدە سۋ باسۋ قاۋپى جوعارى اۋماقتاردان قاردى شاعارۋ باستالعان. وسى كۇندە 105 مىڭ تەكشە مەتر قار شىعارىلدى. ال وسى قىستا اۋداننان 1,055 ملن تەكشە مەتر قار شىعارىلدى. بۇگىنگى تاڭدا وڭتۇستىك-شىعىس شاعىن اۋدانىنان (وڭ جانە سول جاعى), پرومىشلەننىي, دوستىق تۇرعىن الابىنان قار شىعارۋ جۇمىستارى جۇرگىزىلىپ, جەلەزنودوروجنىي تۇرعىن الابىندا اتالعان جۇمىستار جالعاسۋدا. ەرىگەن قار سۋىن سورۋ جۇمىستارى جالعاسۋدا, اتالعان جۇمىسقا 25 كولىك جۇمىلدىرىلدى.
بايقوڭىر اۋدانى
قازىرگى كۇنى بەكىتىلگەن كەستەگە ساي مۇنايشىلار, قۇرمانعازى, كوكتومار, س. سەيفۋللين, سارتوبەك, قوستاناي, كوكشەتاۋ, سىرداريا, ءالىمجانوۆ, اشحاباد, اقبيداي, تاشكەنت, ت. شونان ۇلى, مايتوبە, اعادىر, ءوندىرىس, يگىلىك, ۇشقوڭىر, كۇسجولى, شاردارا, ماتروسوۆ, كەمەڭگەر ۇلى, سۋريكوۆ, سارىادىر, اقسۋ-جاباعىلى, س. ءالى ۇلى, بەستاۋ, كيەلىساي, مۋسورگسكي, ارىق (قويمالار جاعى) كوشەلەرىندەگى ارىقتار تازارتىلدى. جالپى ۇزىندىعى 11 031 پوگوندى مەتردى قۇرادى. جۇمىستار جالعاسۋدا.
ەسىل اۋدانى
سۋ تاسقىنىنا قارسى كوميسسيا قۇرىلدى, ەرىگەن قار سۋىن وتكىزۋ جۇمىستارىنىڭ جوسپارى بەكىتىلىپ, قاردى شىعارۋ, ارىق جەلىلەرىن تازارتۋ جۇمىستارى بەكىتىلگەن كەستەگە سايكەس جۇرگىزىلۋدە. جوسپارعا سايكەس سۋ باسۋ قاۋپى بار اۋماقتاردان (تۇرعىن ءۇي الاپتارى, مەكتەپتەر مەن بالاباقشالار) قار, مۇز شىعارىلىپ جاتىر.
اۋدان اۋماعىندا 5 869 اعىن سۋ قابىلداعىش تور ورنالاسقان, 10 اقپاننان باستاپ ولاردى تازالاۋ بويىنشا جۇمىستار جۇرگىزىلۋدە. بۇگىن 5 280-ءى تازارتىلدى. اتالعان جۇمىستاردى 1 ساۋىرگە دەيىن اياقتاۋ جوسپارلانىپ وتىر.
سارىارقا اۋدانى
كوكتەمگى سۋ باسۋى جوعارى بەس اۋماق انىقتالعان: اگروقالاشىق, كوكتال-1, كوكتال-2 تۇرعىن ءۇي الاپتارى, مايكۋتوۆا, مىڭارال, جۋنۋسوۆا (پانفيلوۆ), پاۆلوۆ كوشەلەرى. بەكىتىلگەن جوسپارعا ساي 3 قاڭتاردان باستاپ جەكە سەكتوردان قار شىعارىلۋدا. قازىرگى كۇنى 120 كوشە قاردان تازارتىلعان.
كۇن سايىن ادامدار كوپ جينالاتىن ساياباقتار, دەمالىس ورىندارىنىڭ, اۆتوۆوكزال, تەمىرجول ۆوكزالى اۋماقتارىنىڭ جانە ءبىلىم وردالارىنىڭ اۋماعى قاردان تازارتىلۋدا. پيك توراعالارى ۇيلەردىڭ شاتىرىنداعى قاردى تازالاۋ, وزدەرىنىڭ مەنشىكتى اۋماقتارىنداعى قاردى شىعارۋ بويىنشا تۇسىندىرمە جۇمىستارىن جۇرگىزگەن.
16 قازان مەن 17 ناۋرىز ارالىعىندا 522 474 تەكشە مەتر قار شىعارىلعان. ونىڭ ىشىندە كوكتەمگى سۋ تاسقىنىنا قارسى شارالار اياسىندا شىعارىلعان قار كولەمى 136 635 تەكشە مەتردى قۇرايدى.
اقمولا وبلىسىنىڭ 96 رازەزدى تۇرعىن الابىن سۋ باسۋدان قورعاۋ ماقساتىندا 12 ناۋرىزدان باستاپ اۋدان اكىمدىگى ن. تىلەنديەۆ داڭعىلىنداعى قار قوقىسىن جانە كۋنچۋگۋن كولى اۋدانىنداعى قولدانىستاعى ارىقتى تازالاۋ جۇرگىزىلدى. جالپى ۇزىندىعى 1 شاقىرىم. قازىرگى كۇنى جۇمىس اياقتالدى.