سەيسەنبى, 12 ماۋسىم 2012 7:09
سوتسياليستەر جەڭىسكە جەتتى
فرانتسيادا ۇلتتىق جينالىستىڭ تومەنگى پالاتاسىنا وتكەنسايلاۋدىڭ بىرىنشى تۋرىندا سوتسياليستەر باسىم جەڭىسكە جەتتى.
سايلاۋ ۋچاسكەلەرىنە كەلگەن فرانتسۋزداردىڭ 34,5 پايىزى سوتسياليستىك پارتيا ءۇشىن داۋىس بەرگەن. 27,2 پايىز داۋىس جيناعان «حالىقتىق قوزعالىس ءۇشىن وداق» پارتياسى ەكىنشى ورىن الدى. 14 پايىزبەن مارين لە پەن باستاعان «ۇلتتىق مايدان» پارتياسى ءۇشىنشى ورىنعا قول جەتكىزگەن. سايلاۋعا كەلۋ كورسەتكىشى تومەن بولىپ, نەبارى 37 پايىزدى عانا قۇراعان كورىنەدى. ساراپشىلاردىڭ بولجامىنشا, سوتسياليستەر جاڭا پارلامەنتتە «سولشىل مايدانىمەن» جانە ەكولوگتارمەن بىرلەسىپ, بلوك قۇرۋى مۇمكىن.
سەيسەنبى, 12 ماۋسىم 2012 7:09
سوتسياليستەر جەڭىسكە جەتتى
فرانتسيادا ۇلتتىق جينالىستىڭ تومەنگى پالاتاسىنا وتكەنسايلاۋدىڭ بىرىنشى تۋرىندا سوتسياليستەر باسىم جەڭىسكە جەتتى.
سايلاۋ ۋچاسكەلەرىنە كەلگەن فرانتسۋزداردىڭ 34,5 پايىزى سوتسياليستىك پارتيا ءۇشىن داۋىس بەرگەن. 27,2 پايىز داۋىس جيناعان «حالىقتىق قوزعالىس ءۇشىن وداق» پارتياسى ەكىنشى ورىن الدى. 14 پايىزبەن مارين لە پەن باستاعان «ۇلتتىق مايدان» پارتياسى ءۇشىنشى ورىنعا قول جەتكىزگەن. سايلاۋعا كەلۋ كورسەتكىشى تومەن بولىپ, نەبارى 37 پايىزدى عانا قۇراعان كورىنەدى. ساراپشىلاردىڭ بولجامىنشا, سوتسياليستەر جاڭا پارلامەنتتە «سولشىل مايدانىمەن» جانە ەكولوگتارمەن بىرلەسىپ, بلوك قۇرۋى مۇمكىن.
بەيبىت رەتتەۋ جولىن قالايدى
سيريا ۇلتتىق كەڭەسى ەلدەگى داۋ-جانجالعا تەك بۇۇ قاۋىپسىزدىككەڭەسىنىڭ سانكتسياسى ارقىلى عانا حالىقارالىق اسكەريارالاسۋشىلىقتى قۋاتتاپ وتىر.
ۇيىم باسشىسى ابدەل باسسەت سايدتىڭ مالىمدەۋىنشە, ول بۇرىنعىسىنشا بۇۇ مەن اراب مەملەكەتتەرى ليگاسىنىڭ سيريا بويىنشا ارنايى وكىلى كوفي اننان ۇسىنعان بەيبىت رەتتەۋ جوسپارىن ۇستانۋعا دايىن. سونىمەن بىرگە, ول كەلىسىمنىڭ ورىندالاتىنىنا كوز جەتكىزۋ ءۇشىن حالىقارالىق قاۋىمداستىقتى پرەزيدەنت باشار اسادتقا دا ىقپال ەتۋگە شاقىرعان.
بۇۇ ءوز قىزمەتكەرلەرىن اكەتۋدە
ەلدەگى جاعدايدىڭ شيەلەنىسە تۇسۋىنە بايلانىستى بۇۇ وزقىزمەتكەرلەرىن ميانمادان شىعارا باستادى.
ازىرگە بۇل شارالار ەرىكتى تۇردە جۇرگىزىلۋدە. سوڭعى ۋاقىتتارى مۇسىلماندار مەن بۋدداشىلار اراسىنداعى قاقتىعىستار توقتاماي تۇرعان ەلدىڭ باتىسىنداعى راكحاين شتاتىن قازىردىڭ وزىندە بۇۇ-نىڭ 40 قىزمەتكەرى مەن ولاردىڭ وتباسى مۇشەلەرى تاستاپ شىققان. سونىمەن بىرگە, بۇۇ بۇل ەۆاكۋاتسيانىڭ ۋاقىتشا سيپاتقا يە ەكەنىن دە ايتۋدا. ءسوز رەتىندە ميانما پرەزيدەنتى تەين سەيننىڭ 10 ماۋسىمدا ەلدىڭ باتىسىنداعى راكحاين پروۆينتسياسىندا توتەنشە جاعدايلار رەجىمىن ەنگىزگەنىن ايتا كەتۋ قاجەت.
سەناتور قارۋلى قاقتىعىستى قۋاتتايدى
حالىقارالىق قاۋىمداستىقتىڭ ۇندەۋىنە قاراماستان ساۋد ارابياسىمەن وزگە دە بىرقاتار اراب ەلدەرى سيريا وپپوزيتسياسىنىڭ قارۋلىتوپتارىنا قارۋ-جاراق جەتكىزىپ بەرۋدە.
CNN اگەنتتىگىنە بەرگەن سۇحباتىندا امەريكالىق سەناتور دجون ماككەين وعان ءوزىنىڭ قۋانىشتى ەكەنىن مالىمدەپ, اقش اكىمشىلىگىن سيريالىق ەرەۋىلشىلەرگە تىكەلەي اسكەري كومەك كورسەتۋدى باستاۋعا شاقىرعان. ءوز كەزەگىندە «سيريا ەرىكتى ارمياسى» ەرەۋىلشىلەر توبىنىڭ وكىلى ارەف حاممۋد سيريا ۇلتتىق كەڭەسى مەن شەتەلدىك وپپوزيتسيانىڭ وزگە دە توپتارىنىڭ «قارا بازاردان» قارۋ-جاراق ساتىپ الۋ ءۇشىن ەرەۋىلشىلەردى بۇرىنعىدان دا كوپ اقشامەن جابدىقتاي باستاعانىن جەتكىزگەن.
شىركەۋلەرگە شابۋىل جاسالدى
نيگەريانىڭ ورتالىق جانە سولتۇستىك-شىعىس بولىكتەرىندەورنالاسقان حريستيان شىركەۋلەرىنە يسلاميستەر شابۋىلى سالدارىنان7 ادام قازا تاپقان.
«بوكو حارام» يسلاميستىك توبىنىڭ سودىرلارى جەكسەنبىلىك عيبادات ەتۋ كەزىندە ەكى بىردەي شىركەۋگە شابۋىل جاساعان. نيگەريانىڭ ورتالىعىندا ورنالاسقان دجوس قالاسىندا جانكەشتى ءوزىن حرامنىڭ جانىندا جارىپ جىبەرگەن. سونىڭ سالدارىنان 50 ادام جاراقات العان كورىنەدى. ەكىنشى وقيعادا 5 سودىر بيۋ قالاسىنداعى شىركەۋلەردىڭ بىرىنە باسىپ كىرىپ, ونداعىلارعا وق جاۋدىرا باستاعان. سونىڭ سالدارىنان ءبىر ايەل قازا تاپقان.
ايىپتاۋلاردى جوققا شىعاردى
يران وزدەرىنىڭ پارچين نىسانىندا يادرولىق سىناق وتكىزگەندىگى تۋرالىماگاتە تاراپىنان بولعان ايىپتاۋدى تەرىسكە شىعاردى.
ماۋسىم ايىنىڭ باسىندا ماگاتە باسشىسى يۋكيا امانو يران يادرولىق سىناقتار ىزدەرىن جاسىرۋ ءۇشىن پارچين يادرولىق نىسانىنداعى قۇرىلىستاردى قيراتۋدا دەپ ءمالىمدەگەن بولاتىن. يراننىڭ قورعانىس ءمينيسترى بۇل سوزدەردى شىندىقپەن جانە ادىلدىكپەن سايكەسپەيدى دەپ اتادى. باتىستىڭ ايىپتاۋلارىن جوققا شىعارعان يران وكىمەتى ءپارچيننىڭ بار بولعانى قاراپايىم اسكەري كەشەن ەكەنىن مالىمدەپ وتىر.
دەلەگاتسيا مۇشەلەرىن قاماۋعا الدى
ليۆيادا تۇتقىندالعان رەسەيلىكتەر قاتارى كوبەيە تۇسۋدە.
وسىدان بىرەر كۇن بۇرىن زينتان قالاسىندا رەسەيدىڭ نيدەرلاندىداعى بۇرىنعى ەلشىسى الەكساندر حوداكوۆ قاماۋعا الىنعان. ول بۇل ەلگە حالىقارالىق قىلمىستىق سوت دەلەگاتسياسى قۇرامىندا كەلگەن كورىنەدى. بۇعان دەيىن وسى ەلدە ەكى رەسەيلىككە باس بوستاندىعىنان ايىرۋ جونىندە ۇكىم شىققان بولاتىن. سونىمەن بىرگە, 9 ماۋسىم كۇنى جەرگىلىكتى بيلىكتىڭ دەلەگاتسيانىڭ ءبىر مۇشەسى – اۆستراليالىق ادۆوكات مەليندا تەيلوردى قاماۋعا العانى دا بەلگىلى بولىپ وتىر. وعان شپيوندىق جاسادى دەگەن ايىپ تاعىلىپ وتىر.
ءزىلزالا قاۋپى سەيىلمەي تۇر
تۇركيادا تاياۋ ۋاقىتتارى قۋاتى 6 بالدان اساتىن جەر سىلكىنىسىنىڭ قايتالانۋى مۇمكىن.
سەيسمولوگتار وسىنداي بولجام جاساپ وتىر. 10 ماۋسىم كۇنى وسىنداي قۋاتتى ءزىلزالا ەلدىڭ وڭتۇستىك باتىس بولىگىندەگى مۋگلا پروۆينتسياسى جاعالاۋىنا جاقىن جەردە ورىن الدى. 30 سەكۋند بويىنا جەر قوزعالىپ تۇرعان. ءزىلزالا ءدۇمپۋى بىرقاتار قالالاردا, سونىڭ ىشىندە مارماريس, فەتحي, انتاليا قالالارىندا سەزىلگەن. ابىروي بولعاندا, قازا تاپقاندار جوق, بىراق 60-قا جۋىق ادام اۋرۋحانالارعا بارۋعا ءماجبۇر بولعان كورىنەدى.
ينتەرنەت ماتەريالدارى نەگىزىندە ازىرلەندى.