بەيسەنبى, 19 قاڭتار 2012 7:40
World Future Energy Summit (WFES) ءدۇنيەجۇزىلىك ءسامميتى 2012 جىلدىڭ 16-19 قاڭتارى ارالىعىندا ءباا استاناسى ابۋ-دابي قالاسىندا حالىقارالىق ەنەرگەتيكا اپتالىعى شەڭبەرىندە وتۋدە. ءسامميتتىڭ ۇيىمداستىرۋشىلارى ونى بولاشاقتىڭ تۇعىرناماسى دەپ اتايدى, سەبەبى وسىندا بولاشاق ەلەكتر ەنەرگياسىن ءوندىرۋ مەن ءتيىمدى پايدالانۋ ماسەلەلەرى تالقىلانادى.
بەيسەنبى, 19 قاڭتار 2012 7:40
World Future Energy Summit (WFES) ءدۇنيەجۇزىلىك ءسامميتى 2012 جىلدىڭ 16-19 قاڭتارى ارالىعىندا ءباا استاناسى ابۋ-دابي قالاسىندا حالىقارالىق ەنەرگەتيكا اپتالىعى شەڭبەرىندە وتۋدە. ءسامميتتىڭ ۇيىمداستىرۋشىلارى ونى بولاشاقتىڭ تۇعىرناماسى دەپ اتايدى, سەبەبى وسىندا بولاشاق ەلەكتر ەنەرگياسىن ءوندىرۋ مەن ءتيىمدى پايدالانۋ ماسەلەلەرى تالقىلانادى.
100-دەن استام ەلدىڭ جەتەكشى باسشىلارى, ساياساتكەرلەرى, ساراپشىلارى, عالىمدارى مەن ينۆەستورلارى جاڭارتىلاتىن ەنەرگيا كوزدەرى رىنوگىنىڭ جاعدايىن تالداۋ جانە باعالاۋ, جاڭارتىلاتىن ەنەرگيا كوزدەرى مەن ەكولوگيالىق تازا تەحنولوگيالاردى پايدالانۋ جانە ولارعا ينۆەستيتسيا سالۋ, كليماتتىڭ جاھاندىق وزگەرۋىمەن بايلانىستى ماڭىزدى ەنەرگەتيكالىق ماسەلەلەردىڭ شەشىمدەرىن تالقىلاۋ ءۇشىن باس قوستى.2011 جىلدىڭ قازان ايىندا قازاقستان جەنەۆا قالاسىندا وتكەن ەۋروپا ەنەرگەتيكالىق فورۋمىنا (European Future Energy Forum) قاتىستى. فورۋم شەڭبەرىندە قازاقستاندىق دەلەگاتسيا ماسداردىڭ اتقارۋشى ديرەكتورى سۇلتان احمەد ءال دجابەر مىرزامەن (Dr Sultan Ahmed Al Jaber) كەزدەسۋ بارىسىندا ابۋ-دابيدەگى قازاقستاندىقتار بولاشاق ەنەرگياسى جونىندەگى دۇنيەجۇزىلىك سامميتكە شاقىرىلعان بولاتىن.ەلىمىز ءۇشىن WFES – بالاما ەنەرگيانى دامىتۋ ماسەلەلەرى جونىندەگى اشىق جانە ناتيجەلى ديالوگ ءۇشىن ماڭىزدى كەڭىستىك. «بولاشاق ەنەرگياسى» – EXPO-2017-ءنى ءوتكىزۋ قۇقىعىنا استانا ۇمىتكەر بولىپ تابىلاتىن كورمەنىڭ تاقىرىبى. قازاقستاندىق دەلەگاتسيا باسشىسى ايدار قازىباەۆتىڭ ايتۋىنشا, «2011 جىلدىڭ ماۋسىم ايىندا ءبىزدىڭ ەل استانادا EXPO-2017 حالىقارالىق مامانداندىرىلعان كورمەسىن وتكىزۋگە رەسمي تۇردە ءوتىنىم بەردى. ەنەرگەتيكا جانە ەكولوگيا ماسەلەلەرىنىڭ ايرىقشا ماڭىزدىلىعىن ەسكەرە وتىرىپ, قازاقستان كورمەنى وتكىزۋ ءۇشىن الەم قاۋىمداستىعىنا ەنەرگيانى ۇنەمدەۋ جانە كۇن, جەل ەنەرگياسى, تەڭىز, مۇحيت جانە جىلى سۋدىڭ ەنەرگەتيكالىق رەسۋرستارى سياقتى بالاما ەنەرگيا كوزدەرىن ەنگىزۋ ماسەلەسىن كەڭىنەن تارقاتۋعا مۇمكىندىك بەرەتىن «بولاشاق ەنەرگياسى» تاقىرىبىن ۇسىندى.»مول تابيعي رەسۋرستارعا قاراماستان, بالاما ەنەرگيانى دامىتۋ مەملەكەتىمىزدىڭ باسىمدىقتارىنا جاتادى. قازاقستاننىڭ جەلدىڭ, كۇننىڭ جاڭارتىلاتىن ەنەرگياسىنداعى الەۋەتى وتە زور. قازىرگى تاڭدا ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسى شەڭبەرىندە جاڭارتىلاتىن ەنەرگيا كوزدەرىن دامىتۋدىڭ ينديكاتورلارى بەلگىلەنگەن, ولارعا سايكەس 2014 جىلعا 1 ميلليارد كۆت. ساعاتتان استام ەلەكتر ەنەرگياسى جاڭارتىلاتىن ەنەرگيا كوزدەرىنەن وندىرىلۋگە ءتيىس.قازاقستاندىق دەلەگاتسيانىڭ قۇرامىندا ەكونوميكالىق دامۋ جانە ساۋدا مينيسترلىگى ساۋدا كوميتەتىنىڭ توراعاسى ايدار قازىباەۆ, يندۋستريا جانە جاڭا تەحنولوگيالار مينيسترلىگى ەلەكتر ەنەرگەتيكاسى جانە كومىر ونەركاسىبى دەپارتامەنتىنىڭ ديرەكتورى جاقىپ بوكەنباەۆ, سىرتقى ىستەر مينيسترلىگى سىرتقى ەكونوميكالىق ساياسات دەپارتامەنتى ديرەكتورىنىڭ ورىنباسارى گاۋھار بەيسەەۆا, «پاراسات» حولدينگى» اق باسقارما توراعاسىنىڭ ورىنباسارى ءلاززات مىلتىقباەۆا بار.سامميتكە كوپتەگەن ساراپشىلار جانە دەلەگاتتارمەن قاتار بۇۇ باس حاتشىسى پان گي مۋن, قىتاي پرەمەرى ۆەن تسزياباو, بۇۇ دامۋ باعدارلاماسىنىڭ اكىمشىسى حەلەن كلارك, WWF International باس ديرەكتورى دجيم ليپ قاتىسۋدا.Masdar كومپانياسىنىڭ اتقارۋشى ديرەكتورى ءال دجابەر مالىمدەگەندەي, «WFES ءسامميتى بەسىنشى جىل قاتارىنان وتكىزىلىپ وتىر جانە جاڭارتىلاتىن ەنەرگەتيكانى, ەنەرگيا تيىمدىلىگىن جانە سۋ رەسۋرستارى مەن قالدىقتار سەكتورلارىن دامىتۋعا اتسالىسۋعا باعىتتالعان باستى الەمدىك جىل سايىنعى ءىس-شارا بولىپ تابىلادى. بولاشاق ەنەرگەتيكاسى ماسەلەلەرى جونىندەگى دۇنيەجۇزىلىك سامميت تازا تەحنولوگيالار مەن جاڭارتىلاتىن ەنەرگيانى تاراتۋدى ودان ءارى جىلجىتۋعا ۇمتىلاتىن ەلدەر اراسىندا بايلانىس ورناتۋدى جالعاستىرۋدا».«ەگەمەن-اقپارات».