پاۆلوداردا ايەلدەر فورۋمى ءوتتى

جينالعانداردى وبلىس اكىمىنىڭ ورىنباسارى مەيرام بەگەنتاەۆ,  پرەزيدەنتى جانىنداعى ايەلدەر جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى ەلەنا تاراسەنكو,  ازاماتتىق اليانس ديرەكتسياسىنىڭ باسشىسى ازيزا شوجەەۆا قۇتتىقتادى.   

فورۋمدا نەگىزىنەن ەلىمىزدىڭ ەكونوميكالىق, الەۋمەتتىك جانە ساياسي ومىردەگى ايەلدەردىڭ ءرولىن كۇشەيتۋ, باسقا دا الەۋمەتتىك ماسەلەلەردى شەشۋ جولدارى تالقىلاندى.

شارا بارىسىندا Women garage Pavlodar اتتى قولدانبالى قولونەر جانە زەرگەرلىك بۇيىمداردىڭ كورمەسى اشىلدى.

جيىنعا قاتىسقان ەلىمىزدىڭ كاسىپوداقتار فەدەراتسياسى توراعاسىنىڭ ورىنباسارى مۇحتار تىنەكەەۆ تە قاتىسىپ, ايەلدەر قاۋىمىن الداعى كەلە جاتقان  مەرەكەلەرىمەن قۇتتىقتادى.

 - ەڭبەك ادام ءوز وتانىنىڭ  پاتريوتى. سىزدەر ەلىمىزدە ەكونوميكا مەن ءوندىرىستىڭ دامۋىنا بەلسەندى قاتىسىپ كەلەسىزدەر. ستاتيستيكالىق مالىمەتتەرگە سۇيەنسەك, ەلىمىزدەگى حالىق سانىنىڭ 52 پايىزىن ايەلدەر قۇراسا, قىزمەت, باسقا جۇمىستاردا  - 48,2 پايىز ايەلدەر ەڭبەك ەتۋدە, دەدى.

جيىنعا شارباقتى اۋدانى شالداي اۋىلىنان كەلگەن گۇلنار نۇرۇموۆا 8 ء وسىرىپ تاربيەلەۋدە. گۇلنار «ەرتىس ورمانى» رەزەرۆاتىندا ەڭبەك ەتۋدە.

 گۇلناردىڭ ايتۋىنشا, ورمان شارۋاشىلىعى مەكەمەسىندە جەڭىلدىكتەر قاراستىرعان. جىل سايىن بالالارعا جازعى لاگەرلەرگە جولداما بەرىلەدى.

 جۇمىسشىلارعا ماتەريالدىق كومەك كورسەتىلەدى. كوپ بالالى وتباسىلار ءۇشىن «مەكتەپكە جول» شاراسى قولداۋ كورسەتەدى

م. تىنەكەەۆتىڭ ايتۋىنشا, ەلىمىزدەگى كاسىپوداقتار فەدەراتسياسىنىڭ 2 ميلليوننان استام مۇشەسىنىڭ 55 پايىزى - ايەلدەر. جانە 18 مىڭنان استامى باستاۋىش پارتيا ۇيىمدارىنىڭ 67 پايىزىن ايەلدەر باسقارۋدا.

 قازىر ايەلدەر ەرلەرمەن تەڭ دارەجەدە ەكونوميكالىق, ساياسي ومىرگە قاتىسادى.

ال, ايەل ادامدارمەن ەرلەر  ارالاس ەڭبەك ەتكەن ۇجىمدا ءتارتىپ پەن باقىلاۋ بولادى.

فەدەراتسيا توراعاسىنىڭ ورىنباسارى ەلباسىنىڭ توراعالىعىمەن وتكەن «نۇر وتان» پارتياسىنىڭ XVIII سەزىندە حالىقتىڭ ءال-اۋقاتىن ارتتىرۋعا باعىتتالعان ماڭىزى قادام جاسالعانىن اتاپ ءوتتى.

- مەملەكەت باسشىسى از قامتىلعان جانە كوپ بالالى وتباسىلاردى قولداۋعا ەرەكشە نازار اۋداردى, - دەدى مۇحتار تىنەكەەۆ. – رەسپۋبليكالىق بيۋدجەتتەن كوپ بالالى وتباسىنا ءار بالاعا تولەنەتىن 16 مىڭ تەڭگە 21 789 تەڭگەگە ءوستى. بۇل بەس ەسەگە جوعارى. ناتيجەسىندە 830 مىڭ ادام قامتىلادى. ونىڭ ىشىندە 550 مىڭ بالا بار. مۇمكىندىگى شەكتەۋلى بالا تاربيەلەپ وتىرعان اتا-انالاردىڭ جاردەماقىسى 30 پايىز ارتادى. بۇل رەتتە 100 مىڭنان استام ادام قامتىلادى.

سونىمەن بىرگە, «نۇرلى جەر» باعدارلاماسى اياسىندا وسى ساناتقا جاتاتىن وتباسىلار ءۇشىن ارەندالىق باسپانا سالىنىپ, 2-3 پايىزبەن جەڭىلدىكتەر كورسەتىلەدى. جەرگىلىكتى بيۋدجەتتەن بالاباقشالار مەن مەكتەپتەردە تەگىن تاماقتانۋ, جول ءجۇرۋ, ءبىلىم الۋ, بيزنەسمەندەر, كاسىپكەرلەر از قامتاماسىز ەتىلگەن كوپ بالالى وتباسىلارعا ءۇي سالىپ بەرۋ جوسپارلانۋدا.

فاريدا بىقاي,

«ەگەمەن قازاقستان»

پاۆلودار