سەيسەنبى, 17 قاڭتار 2012 7:45
قازاقستان: ساۋالداما بويىنشا «نۇر وتان» 81 پايىز داۋىسقا يە بولدىEuronews. بۇكىل قازاقستان بويىنشا سايلاۋشىلار بەلسەندىلىگى رەكوردتىق بيىككە كوتەرىلگەن كەزدە تەك ەلدەگى ءىرى مەگاپوليس استانا مەن الماتىداعى داۋىس بەرۋشىلەر ۇلەسى تومەن دەڭگەيدە بولدى. الدىن الا ءمالىم بولعانىنداي بۇل جولى سايلاۋ قورىتىندىسىندا ەكىنشى ورىنعا كوتەرىلگەن پارتيا 7 پايىزدىق كەدەرگىنى وتپەستەن-اق پارلامەنتتىڭ تومەنگى پالاتاسىنا ەنە الاتىن بولادى.
سەيسەنبى, 17 قاڭتار 2012 7:45
قازاقستان: ساۋالداما بويىنشا «نۇر وتان» 81 پايىز داۋىسقا يە بولدىEuronews. بۇكىل قازاقستان بويىنشا سايلاۋشىلار بەلسەندىلىگى رەكوردتىق بيىككە كوتەرىلگەن كەزدە تەك ەلدەگى ءىرى مەگاپوليس استانا مەن الماتىداعى داۋىس بەرۋشىلەر ۇلەسى تومەن دەڭگەيدە بولدى. الدىن الا ءمالىم بولعانىنداي بۇل جولى سايلاۋ قورىتىندىسىندا ەكىنشى ورىنعا كوتەرىلگەن پارتيا 7 پايىزدىق كەدەرگىنى وتپەستەن-اق پارلامەنتتىڭ تومەنگى پالاتاسىنا ەنە الاتىن بولادى.
مەرزىمىنەن جەتى اي بۇرىن ءوتىپ جاتقان داۋىس بەرۋ كەزىندە وسىعان دەيىنگى قازاقستانداعى بىردە-ءبىر سايلاۋدى دەموكراتيالىق دەپ تانىپ كورمەگەن ەقىۇ بايقاۋشىلارى جۇمىس ىستەدى. ول قانداي قورىتىندى شىعاراتىنى ازىرگە بەلگىسىز. سايلاۋ ۋچاسكەلەرى جابىلدى. ءبىرىنشى ورىنعا كىم يە بولادى دەگەن سۇراق ساياساتتانۋشىلاردىڭ الدىندا تۇرعان جوق. ماسەلە, مارەگە كىم ەكىنشى بولىپ جانە قانداي كورسەتكىشپەن جەتەدى دەيتىن سۇراققا تىرەلەتىندەي. بۇعان رەسمي جاۋاپ كوپ كەشىكپەي جاريالاناتىن بولادى. ال الەۋمەتتىك ساۋالداما ناتيجەلەرى بويىنشا «نۇر وتان» 81 پايىز داۋىسقا يە بولعان. ونىمەن بىرگە سايلاۋشىلار داۋىسىنىڭ 7,3 پايىزىن العان «اق جول» جانە كوممۋنيستىك پارتيا پارلامەنتكە ەنەدى دەگەن دەرەكتەر بار.
قازاقستاندا پارلامەنتكە ءۇش پارتيا وتەدىريا «نوۆوستي». قازاقستان پارلامەنتىنىڭ تومەنگى پالاتاسىن سايلاۋ رەسمي تۇردە اياقتالعانى مالىمدەلدى. الدىن الا ءناتيجەلەر 16 قاڭتاردا تۇستەن كەيىن جاريالاناتىنىنا قاراماستان, قازىردىڭ وزىندە بايقاۋشىلار سايلاۋشىلارعا جۇرگىزىلگەن ساۋالداما ناتيجەسىنە سايكەس كەيبىر تسيفرلاردى اتاپ تا ۇلگەردى.قازاقستان ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ سايلاۋعا سايلاۋشىلاردىڭ 75,7 پايىزى قاتىسقاندىعىن مالىمدەدى. ال سايلاۋدىڭ رەسمي قورىتىندىسى 22 قاڭتارعا دەيىن شىعارىلىپ, 25 قاڭتار كۇنى جاريالانباق. دەگەنمەن, قۋاندىق تۇرعانقۇلوۆ سوعان قاراماستان جاڭا پارلامەنت ءوز قىزمەتىنە ەرتەرەك كىرىسۋ ءۇشىن قورىتىندىنى جاريالاۋدى جەدەلدەتۋگە ۋادە بەردى.سايلاۋ كەزىندە جۇرگىزىلگەن ساۋالداما ناتيجەسىندە پرەزيدەنتتىك «نۇر وتان» پارتياسىنىڭ 81 پايىز داۋىسقا يە بولعاندىعى بەلگىلى بولدى. سونداي-اق «اق جول» پارتياسى مەن كوممۋنيستىك حالىقتىق پارتياسىنىڭ ارقايسىسى 7,3 پايىز داۋىس الىپ, پارلامەنتكە وتۋگە مۇمكىندىگى بولعاندىعى «دەموكراتيا ينستيتۋتى» عىلىمي-زەرتتەۋ اسسوتسياتسياسى جۇرگىزگەن ساۋالداما قورىتىندىسىندا ايگىلەنىپ تە ۇلگەردى. ال «ستراتەگيا» الەۋمەتتىك جانە ساياسي زەرتتەۋلەر ورتالىعى ماماندارىنىڭ جۇرگىزىلگەن ساۋالداماسى بويىنشا «نۇر وتان» 81,3-80,5 پايىز داۋىسقا, «اق جول» 7,2-7,9 پايىزعا, كوممۋنيستىك پارتيا 7,1-7,3 پايىز ارالىعىنداعى داۋىسقا يە بولسا, ەلدەگى وپپوزيتسيالىق كۇشتەردىڭ بىرلەسكەن پارتياسى – جسدپ داۋىستاردىڭ نەبارى 1,5 پايىزىن عانا الا العان.«ءوزىنىڭ جاريالىلىعى, اشىقتىعى, تازالىق جونىنەن بۇل جولعى سايلاۋ ەرەكشە بولدى. قازاقستان بۇكىل الەم الدىندا ءوزىنىڭ دەموكراتيالىق مەملەكەتكە قاراي قارىشتى قادام باسىپ كەلە جاتقاندىعىن تاعى ءبىر ءدالەلدەدى», دەدى بۇل جايىندا ەل پرەزيدەنتى نۇرسۇلتان نازارباەۆ ءوزىنىڭ سايلاۋدان كەيىنگى سوزىندە.
قازاقستانداعى پارلامەنت سايلاۋى رەكوردتى كورسەتكىش كورسەتتىەحو موسكۆى. سايلاۋشىلاردىڭ سايلاۋعا قاتىسۋ جونىنەن قازاقستانداعى پارلامەنت سايلاۋى وتە جوعارى دەڭگەيدە بولدى. ەگەر وسىدان بەس جىل بۇرىن وتكەن سايلاۋعا سايلاۋشىلاردىڭ 65 پايىزى قاتىسسا, بۇل جولعى كورسەتكىش 70 پايىزدان اسىپ ءتۇستى. ەل تۇرعىندارى پارلامەنتتىڭ تومەنگى پالاتاسىنىڭ دەپۋتاتتارىن سايلادى. رەسپۋبليكانىڭ باس پروكۋراتۋراسىنا داۋىس بەرۋ تارتىبىنە سايكەس 18 ءوتىنىش پەن شاعىم كەلىپ تۇسكەن ەكەن. اتالعان قاداعالاۋ ورگانى بۇل ارىز-شاعىمدار تەكسەرىلىپ, ولاردا سايلاۋ زاڭدىلىعىن بۇزاتىنداي فاكتىلەردىڭ انىقتالماعاندىعىن مالىمدەدى.
بايقاۋشىلار قازاقستانداعى سايلاۋ اشىق ءوتتى دەپ ەسەپتەيدىموسكوۆسكي كومسومولەتس. قازاقستانداعى ءماجىلىس (پارلامەنتتىڭ ءتومەنگى پالاتاسى) سايلاۋى تىنىش جاعدايدا اشىق ءوتتى, دەپ اتاپ كورسەتتى حالىقارالىق بايقاۋشىلار.«ادامدار داۋىس بەرىپ جاتىر, ءبىزدىڭ بايقاۋشىلار سايلاۋدىڭ تىنىش جاعدايدا ءوتىپ وتىرعاندىعىن حابارلادى», دەدى رەسەي فەدەراتسياسى مەملەكەتتىك دۋماسىنداعى «ەدينايا روسسيا» فراكتسياسى باسشىسىنىڭ ءبىرىنشى ورىنباسارى, تمد بويىنشا بايقاۋشىلار دەلەگاتسياسىنىڭ مۇشەسى ۆلاديمير پەحتين جەكسەنبى كۇنى وتكىزگەن بريفينگتە.ال ليتۆانىڭ بۇرىنعى پرەمەر-مينيسترى, «ليتۆا حالىقتىق پارتياسىنىڭ» ءتورايىمى كازيميرا دانۋتە پرۋنسكەنە ءوز كەزەگىندە سايلاۋشىلاردىڭ داۋىس بەرۋگە مەيلىنشە مول جانە بەلسەندىلىكپەن قاتىسقاندىعىن اتاپ كورسەتتى.گرەكياداعى افينا مەرىنىڭ ورىنباسارى تەودوروس حارالامپەديستىڭ ايتۋىنشا, پارلامەنت سايلاۋى اشىق جاعدايدا ءوتىپ وتىر.
ەقىۇ بايقاۋشىلارى ءوز ەسەپتەرىن جۋىقتاعى كۇندەرى جاريالايدىيزۆەستيا. ەقىۇ بايقاۋشىلار توبىنىڭ ميسسياسى قازاقستانداعى پارلامەنت سايلاۋى تۋرالى وزدەرىنىڭ ەكىنشى ارالىق بايانداماسىن جۋىقتاعى كۇندەردىڭ بىرىندە جاريالايدى دەپ حابارلادى رەسپۋبليكاداعى وسى توپتىڭ باسشىسى ميكلوش حاراشتي قازاقستاننىڭ سىرتقى ىستەر ءمينيسترى ەرجان قازىحانوۆپەن كەزدەسۋىنەن كەيىن. حاراشتيدىڭ ايتۋىنشا, ەسەپتە باق جۇمىسىنا تالداۋ جاسالىنىپ, سايلاۋ كامپانياسىنىڭ بارىسى مەن ورتالىق سايلاۋ كوميسسياسىنىڭ جۇمىسىنا باعا بەرىلەتىن بولادى.ەقىۇ سايلاۋ جونىندەگى ميسسياسى قازاقستانداعى ءوز جۇمىسىن 2012 جىلدىڭ 27 قاڭتارىندا اياقتاۋدى جوسپارلاپ وتىر. قازىرگى كۇنى ونىڭ قۇرامىندا ەقىۇ-دان 56 بايقاۋشى بار. سونداي-اق سايلاۋعا دەيىن ءبىر اپتا بۇرىن قازاقستانعا وسى قۇرىلىمنىڭ 220 قىسقا مەرزىمدىك بايقاۋشىلارى كەلىپ جۇمىس ىستەپتى.ءوزىنىڭ بۇكىل جۇمىس كەزەڭى بويىنشا ميسسيا 4 ەسەپ ازىرلەۋى ءتيىس. ءبىرىنشىسى, ارالىق بايانداما سايلاۋعا دەيىنگى 2-3 اپتا ۋاقىتتى قامتىسا, ەكىنشى ارالىق بايانداما سايلاۋ قارساڭىنداعى ماسەلەلەردى قامتىماق. ال سايلاۋ قورىتىندىسى تۋرالى الدىن الا ەسەپ سايلاۋدان كەيىنگى كۇنى شىعارىلادى. ءتورتىنشى, قورىتىندى ەسەپ سايلاۋدان كەيىنگى 2-3 ايدا ءازىر بولادى.قازاقستاندىق سىرتقى ساياسات ۆەدومستۆوسىنىڭ باسشىسى ەرجان قازىحانوۆ ءوز كەزەگىندە ەقىۇ ميسسياسىنىڭ قازاقستاندا سايلاۋ بارىسى جونىندە جەدەل جۇمىس ىستەي العاندىعىن اتاپ كورسەتكەن. بۇل, ونىڭ ايتۋىنشا, ەقىۇ اتالعان ينستيتۋتىنىڭ كاسىپتىك شەبەرلىگىن تاعى ءبىر دالەلدەپ وتىر.«ەقىۇ بيۋروسى وسىعان دەيىن ۇسىنعان ۇسىنىستاردىڭ 60 پايىزدان استامى قازاقستاننىڭ سايلاۋ تۋرالى زاڭدىلىقتارىنا ەنگىزىلدى. قازاقستان سايلاۋ زاڭدىلىقتارىن جەتىلدىرۋگە باعىتتالعان جۇمىستاردى حالىقارالىق ستاندارتقا سايكەس تاجىريبە مەن ەقىۇ مىندەتتەمەسىن قولدانا وتىرىپ ودان ءارى جالعاستىرۋدا», دەپ اتاپ كورسەتتى ە.قازىحانوۆ.
قازاقستانداعى سايلاۋعا سايلاۋشىلاردىڭ 75 پايىزدان استامى قاتىستىگلاۆنىە نوۆوستي ۋكراينى. قازاقستانداعى پارلامەنت ءماجىلىسى (تومەنگى پالاتا) مەن بارلىق دەڭگەيدەگى ءماسليحاتتار (جەرگىلىكتى وكىلەتتى بيلىك ورگاندارى) دەپۋتاتتارىنىڭ سايلاۋىندا سايلاۋشىلاردىڭ 75,07 پايىزى داۋىس بەردى, دەپ حابارلادى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ.«قازىرگى ۋاقىتتا داۋىس بەرۋ اياقتالدى. وعان سايلاۋشىلار قاتىسۋشىلىعى 75,07 پايىزدى قۇرادى», دەدى ول جەكسەنبى كۇنى استانادا وتكەن سايلاۋ قورىتىندىسى تۋرالى بريفينگتە.«9 ميلليون 300 مىڭ سايلاۋشىدان سايلاۋ ۋچاسكەلەرىنە 6 ميلليون 980 مىڭ ادام كەلدى», دەپ مالىمدەدى ول.وسك مالىمەتتەرى بويىنشا ەلدىڭ شەتەلدەگى وكىلدىكتەرىندە ورنالاسقان 56 سايلاۋ ۋچاسكەسىنىڭ كورسەتكىشتەرى ءالى ەسەپكە الىنعان جوق. ال ەلدىڭ ىشىندە سايلاۋشىلاردىڭ سايلاۋعا قاتىسۋ جونىنەن 92,6 پايىز كورسەتكىشكە قول جەتكىزگەن الماتى وبلىسى توپ باستاپ وتىر. ەڭ تومەنگى كورسەتكىش الماتى قالاسىنىڭ ۇلەسىندە. مۇندا سايلاۋشىلاردىڭ 41,4 پايىزى سايلاۋعا قاتىسقان.ەل استاناسىندا سايلاۋعا قاتىسۋ كورسەتكىشى 53,3 پايىزدى قۇراسا, بۇل كورسەتكىش اقمولا وبلىسىندا – 78 پايىز, اقتوبە وبلىسىندا – 78,4 پايىز, اتىراۋ وبلىسىندا – 83,6 پايىز, شىعىس قازاقستاندا – 80,2 پايىز, جامبىل وبلىسىندا – 80,8 پايىز, باتىس قازاقستاندا – 71,9 پايىز, قاراعاندى وبلىسىندا – 75,2 پايىز, قوستانايدا – 84,8 پايىز, قىزىلوردادا – 81 پايىز, ماڭعىستاۋدا – 74,2 پايىز, پاۆلودار وبلىسىندا – 71 پايىز, سولتۇستىك قازاقستاندا – 80,7 پايىز, وڭتۇستىك قازاقستاندا 78,8 پايىز بولدى.
قازاقستان پارلامەنتىنە ءبىرىنشى رەت ءۇش پارتيا ءوتتىۆۆس. كۇتكەندەگىدەي قازاقستان پارلامەنتىنە پرەزيدەنتتىك «نۇر وتان» پارتياسى, «اق جول» دەموكراتيالىق پارتياسى جانە قازاقستاننىڭ كوممۋنيستىك پارتياسى ءوتتى. بۇل جولى استاناعا ءبىر پارتيالىق پارلامەنتتى ەل بەينەسىنەن باس تارتۋدىڭ ءساتى ءتۇستى. ءسويتىپ, وسى بيلىك جۇيەسىندە بەلگىلى ءبىر مولشەردە وپپوزيتسيا پايدا بولدى.قازاقستان پارلامەنتى تومەنگى پالاتاسىنىڭ ء(ماجىلىس) كەزەكتەن تىس سايلاۋى وتكەن جەكسەنبى كۇنى بولدى. وسك ءمالىمەتتەرى بويىنشا سايلاۋشىلاردىڭ قاتىسۋشىلىعى 75,07 پايىزدى قۇرادى. پارلامەنتكە ءوتۋ ءۇشىن پارتيالارعا كەم دەگەندە سايلاۋشىلاردىڭ 7 پايىزىنىڭ داۋسىن جيناۋ قاجەت. قورىتىندىسىندا پرەزيدەنتتىك «نۇر وتان» پارتياسى ءۇشىن ولاردىڭ 80,74 پايىزى داۋىس بەرگەنى الدىن الا ساۋالداما ارقىلى بەلگىلى بولدى. ال كوممۋنيستىك پارتيا 7,2 پايىز, «اق جول» پارتياسى 7,46 پايىز داۋىسقا يە بولعان. قالعان پارتيالار داۋىستاردىڭ ءبىر پايىزىنا دا يە بولا الماي, پارلامەنتكە وتە الماي قالدى.ەل پرەزيدەنتى نۇرسۇلتان نازارباەۆ ءتومەنگى پالاتاداعى 107 حالىق قالاۋلىسىنىڭ 53-ءىن قۇراعان دەپۋتاتتار توبىنىڭ ءوتىنىشى بويىنشا پارلامەنت ءماجىلىسىن تاراتىپ, ونىڭ كەزەكتەن تىس سايلاۋىن بەلگىلەگەن بولاتىن. وسى ارالىقتا وتكەن جىلدىڭ سوڭىنا تامان بولىپ وتكەن جاڭاوزەن كەنتىندەگى قاقتىعىسقا قاراماستان سايلاۋ تىنىش جاعدايدا ءوتتى.تمد ەلدەرىنەن تاعايىندالعان حالىقارالىق بايقاۋشىلاردىڭ پىكىرى بويىنشا قازاقستان پارلامەنتىنىڭ تومەنگى پالاتاسىن سايلاۋ اشىق جاعدايدا زاڭعا سايكەس جۇرگىزىلدى. وسى توپتاعى ساراپشى ماسكەۋ مەملەكەتتىك ۋنيۆەرسيتەتى تاريح فاكۋلتەتى دەكانىنىڭ ورىنباسارى الەكسەي ۆلاسوۆ بىلاي دەيدى:– قازاقستان پارلامەنتىنە بىردەن ءارتۇرلى كوزقاراستاعى ءۇش پارتيانىڭ ءوتۋى مىنا جاعدايدى بىلدىرەدى: بيلىك وپپوزيتسيالىق پارتيالارعا, سونىڭ ىشىندە كوممۋنيستەر مەن ليبەرالدارعا سايلاۋالدى ناۋقان جۇرگىزۋدىڭ مۇمكىندىگىن بەردى. ولار بۇل مۇمكىندىكتى ءساتتى پايدالانا الدى. ونىڭ ۇستىنە قوعام دا «اق جول» پارتياسى بىلدىرەتىن وڭشىل يدەيالارعا ىقىلاستىڭ ارتىپ كەلە جاتقاندىعى سەزىلىپ وتىر. ءسويتىپ, پارلامەنتتە وپپوزيتسيا پايدا بولدى. بىراق بۇل ەلدىڭ ساياسي جۇيەسىنە تەرەڭ ءبىر وزگەرىس ەنگىزبەيتىن بولار دەپ ويلايمىن.
اريەل كوەن: قازاقستانداعى سايلاۋ ەۋروپالىق دەڭگەيدە ۇيىمداستىرىلدىكومسومولسكايا پراۆدا. جەكەلەگەن كەيبىر كەمشىلىكتەرىنە قاراماستان, قازاقستانداعى وسى جولعى سايلاۋ كوپ پارتيالىق پارلامەنت بولاشاعىن بەكىتىپ بەردى, دەپ ەسەپتەيدى رەسەي, ەۋرازيا پروبلەمالارى ءجونىندەگى «ناسلەديە» قورىنىڭ جەتەكشى ساراپشىسى اريەل كوەن.«ۇيىمداستىرۋداعى قاتەلىكتەر وتە سيرەك بولدى. ولار كوبىنەسە تەحنيكالىق كەمشىلىكتەر. سوندىقتان بۇل كەمشىلىكتەر سايلاۋ ۇدەرىسىن ءتيىمدى جۇرگىزۋگە بالەڭدەي اسەر ەتە العان جوق. ال كوپ جاعدايدا سايلاۋ كاسىپقوي شەبەرلىكپەن جوعارى ەۋروپالىق دەڭگەيدە ۇيىمداستىرىلدى», دەپ مالىمدەدى ول قازاقستاندا حالىقارالىق بايقاۋشى مارتەبەسىندەگى قىزمەتى كەزىندە.ونىڭ ايتۋىنشا, قازاقستان وسىنىڭ الدىندا وتكەن سايلاۋلارداعى سەكىلدى سايلاۋ بارىسىن باقىلاۋعا جەرگىلىكتى جانە حالىقارالىق بايقاۋشىلاردىڭ كەلۋىنە قولداۋ ءبىلدىردى. «بايقاۋشىلار اتالعان ۇدەرىستىڭ اشىق جانە بەيتاراپ جۇرگىزىلۋىنە ۇلكەن ىقپال ەتە الادى», دەدى ول.«وسىنىڭ الدىندا وتكەن سايلاۋلاردان كەيىن قازاقستانداعى بيلىك ەقىۇ جانە شەتەلدىك ۇكىمەتتەرمەن سايلاۋ ۇدەرىسىن مەيلىنشە ستاندارتقا سايكەستەندىرۋ باعىتىندا جۇمىستار جۇرگىزىپتى. ەندى قازاقستان ۇكىمەتى حالىقارالىق ستاندارتقا جاۋاپ بەرە الاتىن شارالاردى جۇزەگە اسىرۋ باعىتىندا قوسىمشا قادامدار جاسايدى» دەپ كۇتەمىن دەپ مالىمدەدى كوەن.
تۇركپا ميسسياسى قازاقستانداعى سايلاۋ تۋرالى قورىتىندىسىن جاريا ەتتىروسبالت. تۇركى ەلدەرى پارلامەنتتىك اسسامبلەياسى (تۇركپا) قازاقستانداعى پارلامەنت سايلاۋى ءناتيجەلەرى تۋرالى تۇبەگەيلى قورىتىندىسىن جاريا ەتتى. بۇل تۋرالى وسى ۇيىمنىڭ ءباسپاسوز قىزمەتى حابارلادى.تۇركپا بايقاۋشىلارى قازاقستانداعى سايلاۋ اشىق جاعدايدا, دەموكراتيالىق ءتۇردە ادىلەتتى ءارى ەل مەن ەلدىڭ زاڭدىلىقتارى مەن حالىقارالىق قۇقىقتىق نورمالارعا سايكەس وتكەندىگىن اتاپ كورسەتتى.بۇل ميسسيا قۇرامىنا ازەربايجان مەن تۇركيا پارلامەنتتەرىنىڭ, سونداي-اق تۇركپا حالىقارالىق سەكرەتارياتىنىڭ وكىلدەرى كىرگەن.«ەلدەگى سايلاۋ قارساڭىندا ءسوز بوستاندىعى مەن باق-تى قورعاۋ جونىندە شارالار قامتاماسىز ەتىلدى. باق قىزمەتىنىڭ ەركىن بولۋى ءۇشىن بارلىق مۇمكىندىكتەر تۋدىرىلدى. سايلاۋ كەزىندە سايلاۋ شتابتارى, كانديداتتار مەن ەرىكتى بايقاۋشىلار جۇمىسىنا ەشقانداي ءبىر قىسىم كورسەتىلگەن جوق», دەپ مالىمدەدى ولار.تۇركپا بايقاۋشىلار ميسسياسى قاتىسقان الماتى قالاسىنداعى المالى جانە بوستاندىق اۋداندارىنداعى سايلاۋ ۋچاسكەلەرىندە سايلاۋ كوميسسيالارىنىڭ, بايقاۋشىلاردىڭ جۇمىسىنا اكىمشىلىك نەمەسە قۇقىق قورعاۋ ورگاندارىنىڭ ەشقانداي ءبىر ارالاسۋى تىركەلمەگەن. تۇركپا بايقاۋشىلارى وسى جاعدايدى اتاپ كورسەتتى.ازىرلەگەن سۇڭعات ءالىپباي.