مەملەكەت باسشىسىنىڭ جارلىعىمەن ومىرزاق شوكەەۆ تۇركىستان وبلىسىنىڭ اكىمى بولىپ تاعايىندالدى.
ەلباسى تاپسىرماسىمەن تۇركىستان وبلىسى ءماسليحاتىنىڭ كەزەكتەن تىس سەسسياسىنا قاتىسقان پرەمەر-مينيستر اسقار مامين مەملەكەت باسشىسىنىڭ ءو.شوكەەۆتىڭ كانديداتۋراسىن وبلىس اكىمى لاۋازىمىنا ۇسىنۋ تۋرالى حاتىن وقىپ بەردى. دەپۋتاتتار پرەزيدەنت ۇسىنعان كانديداتۋرانى ءبىراۋىزدان قولدادى.
پرەمەر-مينيستر تۇركىستان وبلىسىنىڭ اكتيۆىمەن وتكەن كەزدەسۋدە ج. تۇيمەباەۆقا اتقارعان جۇمىسى ءۇشىن العىس ءبىلدىردى. تۇركىستان وبلىسىنىڭ العاشقى اكىمى رەتىندە وبلىس ورتالىعىن تۇركىستان قالاسىنا كوشىرۋ, جاڭا وبلىستىڭ اكىمشىلىك-اۋماقتىق قۇرىلىمىن ۇيىمداستىرۋ, كوشى-قون ماسەلەلەرىن, جاڭا قالانىڭ اۋقىمدى قۇرىلىس جۇمىستارىن ۇيىمداستىرۋ بويىنشا بىرقاتار جۇمىستاردى اتقارعانىن اتاپ ءوتتى.
سونداي-اق, ا. مامين وبلىستىڭ جاڭا اكىمىن تانىستىرا وتىرىپ, ءو. شوكەەۆتىڭ قوستاناي, وڭتۇستىك قازاقستان وبلىستارىنىڭ جانە استانا قالاسىنىڭ اكىمى رەتىندە اتالعان وڭىرلەردىڭ الەۋمەتتىك-ەكونوميكالىق دامۋىنا ۇلكەن ۇلەس قوسقانىن ايتتى. پرەمەر-ءمينيستردىڭ ورىنباسارى — اۋىل شارۋاشىلىعى ءمينيسترى رەتىندە ءوزىن ىسكەر, تاجىريبەلى باسشى جانە جوعارى دەڭگەيدەگى ۇيىمداستىرۋشى رەتىندە كورسەتكەنىن, كاسىبي بىلىكتىلىگى مەن جاۋاپكەرشىلىگى الەۋمەتتىك ماڭىزدى مىندەتتەردى ساپالى ورىنداپ, مەملەكەت باسشىسىنىڭ سەنىمىن اقتاۋعا مۇمكىندىك بەرەتىنىن جەتكىزدى. «تۇركىستان وبلىسىنىڭ دامۋى ەلباسىنىڭ ەرەكشە نازارىندا. مەملەكەت باسشىسىنىڭ باستاماسىمەن قاسيەتتى تۇركىستان قالاسىندا جاڭا ۇلكەن قۇرىلىس باستالدى. جەرگىلىكتى اتقارۋشى ورگاندار الدىندا جاڭا قالانىڭ جاڭعىرۋىن ۋاقىتىلى قامتاماسىز ەتىپ, بۇكىل تۇركى الەمىنىڭ مادەني-رۋحاني استاناسى رەتىندە وركەندەتۋ جانە ونى قارقىندى دامىتۋ, جاڭا جۇمىس ورىندارىن اشۋ, ازاماتتاردىڭ الەۋمەتتىك جاعدايىن جاقسارتۋ بويىنشا ۇلكەن جاۋاپكەرشىلىكتى جۇكتەيتىن مىندەتتەر قويىلىپ وتىر», - دەدى ا. مامين. ءوز كەزەگىندە ومىرزاق شوكەەۆ مەملەكەت باسشىسىنىڭ وزىنە تۇركىستاننىڭ تۋماسى رەتىندە سەنىم بىلدىرىگەنىنە العىسىن ايتا كەلە, پەرزەنتتىك پارىزىن ورىنداۋ, جاڭا وبلىستىڭ ءوسىپ-وركەندەۋى جولىندا كۇش-جىگەرىن ايامايتىنىن جەتكىزدى. ال جانسەيىت تۇيمەباەۆ ەلباسى قانداي دا ءبىر سەنىپ تاپسىرعان جۇمىستى ءمىنسىز اتقارۋعا تىرىساتىنىن ءبىلدىردى.
عالىمجان ەلشىباي,
«Egemen Qazaqstan»
تۇركىستان وبلىسى