اقتوبەلىك كوپبالالى وتباسىلاردىڭ ۇيلەرىنە ءورت دابىلى ورناتىلۋدا

كومەك كوپبالالى اقتوبەلىكتەرگە, جالعىزىلىكتى زەينەتكەرلەرگە, مۇگەدەك بالا تاربيەلەپ وتىرعان وتباسىلارعا كورسەتىلىپ جاتىر. قاجەت بولعان جاعدايدا تۇرعىنداردىڭ پەشتەرىنىڭ وشاقتارى الدىنا قورعانىش قۇرىلعىلارىن ورناتىپ, مۇرجالاردى جانە ۇيلەرىنىڭ الدىنداعى قوقىستارىن تازارتۋعا كومەكتەسەدى. بۇدان باسقا, ء«ۇمىت» سابيلەر ۇيىندە التى ءورت شكافى مونتاجدالعان.

بەرىكباەۆتار وتباسىندا ءتورت بالا بار, ولاردىڭ بىرەۋى – ەرەكشە ءبۇلدىرشىن. وتاعاسىنىڭ ايتۋىنشا ەندى ول ءۇي ءىشى ءۇشىن بۇرىنعىداي الاڭدايتىن بولمايدى. ويتكەنى ورناتىلعان قوندىرعى كىشكەنە تۇتىندەگەننىڭ وزىنە اسەر ەتەدى.

«بالالار ارينە, وتپەن وينامايدى, بىراق ساقتانعان ءجون بولار»,- دەيدى ەربول بەرىكباەۆ.

تۇنشىقتىراتىن گاز داتچيگى جۇمىسىنىڭ قاعيداسى قاراپايىم – وعان ءتۇتىن تيگەن كەزدە ول قاۋىپتى ەسەرتىپ, قاتتى داۋىس شىعارادى. وسى ءبىر كىشكەنە دەربەس «قوراپشالاردىڭ» ارقاسىندا تۇرعىندار بولمەدەن ۋاقىتىندا شىعىپ كەتە الادى,- دەيدى اقتوبە وبلىسى توتەنشە جاعدايلار باسقارماسىنىڭ باستىعى ەۆگەني وۆچارسكي.

«جاقسىلىق جاسا» اكتسياسى اياسىندا قىرىقتان استام ۇيگە قايتارىمسىز ءورت دابىلدارى ورناتىلدى. تاعى ەلۋ داتچيكتى جەرگىلىكتى اتقارۋشى ورگاندار جاقىن ارادا ساتىپ الۋدى جوسپارلاپ وتىر. سونىمەن بىرگە, بۇكىل وبلىس بويىنشا 25 مىڭ تۇرعىنمەن ءورت قاۋىپسىزدىگى نۇسقاۋلىعى جۇرگىزىلدى. 16 مىڭنان اسا اگيتاتسيالىق ماتەريال تاراتىلدى.

كىشكەنتاي اقتوبەلىكتەرگە دە ءورت شىققان كەزدە ءوزىن قالاي ۇستاۋ كەرەكتىگى تۇسىندىرىلۋدە. وڭىردەگى 79 مەكتەپتە ينتەراكتيۆتى ساباقتار جۇرگىزىلدى.

بىلتىر اقتوبە وبلىسىندا بارلىعى 475 ءورت بولعان. قايعىلى وقيعا 12 ادامنىڭ ءومىرىن جالماسا, ونىڭ تورتەۋى بالالار. وسى جىلدىڭ قاڭتار ايىنىڭ وزىندە تۇرعىن ۇيلەردە 17 ءورت تىركەلگەن, جاپا شەككەندەر جوق.

تەمىر قۇسايىن,

«ەگەمەن قازاقستان»

اقتوبە