2018 جىلدىڭ قورىتىندىسى بويىنشا اقتوبە وبلىسى تاريحىندا العاش رەت 500 ملرد-تان استام سالىق جينالعان. مۇنداي مالىمەت مەملەكەتتىك كىرىستەر دەپارتامەنتىنىڭ وبلىس اكىمى بەردىبەك ساپارباەۆ قاتىسقان جينالىسىندا بەرىلدى.
وتكەن جىلعى جۇمىستاردىڭ ناتيجەسى تۋرالى دەپارتامەنت باسشىسى ايبەك پاياەۆ باياندادى. ونىڭ سوزىنشە, ەسەپتىك كەزەڭ ىشىندە وبلىستىڭ شوعىرلاندىرىلعان بيۋدجەتى العاش رەت 534,6 ملرد تەڭگەگە ءوسىپ, جىلدىق جوسپاردان تىس 184,2 ملرد تەڭگە تۇسكەن.
بىلتىرعى جىلدىڭ قورىتىندىسىن تالقىلاۋدان سوڭ وبلىس اكىمى 2019 جىلعا ارنالعان بىرقاتار باسىم باعىتتاردى بەلگىلەدى.
ەڭ الدىمەن, بەردىبەك ساپارباەۆ كولەڭكەلى كىرىسپەن كۇرەس جۇمىسىن كۇشەيتۋ كەرەكتىگىن اتاپ ءوتتى.
وبلىس اكىمى: «ەلباسى كولەڭكەلى ەكونوميكا ۇلەسىن ءۇش جىلدىڭ ىشىندە كەم دەگەندە 40% تومەندەتۋ مىندەتىن قويدى. مەملەكەتتىك كىرىستەر دەپارتامەنتى وزگە قۇزىرلى مەملەكەتتىك ورگاندارمەن بىرلەسىپ كولەڭكەلى ەكونوميكامەن, اسىرەسە اقشانى قولدى قىلاتىن ءبىر كۇندىك فيرمالارمەن كۇرەستى جالعاستىرۋى قاجەت. تابىستارىن جاسىرىپ, سالىقتان جالتاراتىن بارلىق كاسىپكەرلەردى كولەڭكەدەن شىعارۋ كەرەك. ولار اسىرەسە – ىشىمدىك وندىرۋمەن جانە ساتۋمەن اينالىساتىن مەيرامحاناشىلار, بۋكمەكەرلىك كاسىپورىنداردىڭ يەلەرى. ولاردىڭ بارلىعىمەن دە جۇمىستار كۇشەيتىلۋى ءتيىس»,- دەپ اتاپ ءوتتى.
مەملەكەتتىك كىرىستەر دەپارتامەنتىنىڭ بۇگىندە ءبىر جىلدان استام ۋاقىتقا سوزىلاتىن قوسىمشا رەزەرۆتەردى انىقتاۋ, تىركەلمەگەن م ۇلىكتەردى تىركەۋ, بەرەشەكتەردى تومەندەتۋ, سالىق ءاۋديتىنىڭ تيىمدىلىگىن ارتىرۋ, جەمقورلىقتىڭ الدىن الۋ, كاسىپورىنداردى وڭالتۋ جانە بانكروتتىق راسىمدەرىن تەزدەتۋ بويىنشا وسى جىلعى باسىم مىندەتتەرى انىقتالدى.
بۇدان باسقا, بەردىبەك ساپارباەۆ 2019 جىلى 1 قاڭتاردا مەملەكەت باسشىسىنىڭ تاپسىرماسىمەن ەنگىزىلگەن كاسىپكەرلەر ءۇشىن سالىق راقىمشىلىعىن ءتۇسىندىرۋ جۇمىستارىن كۇشەيتۋدىڭ ماڭىزدىلىعىن اتاپ ءوتتى.
سالىق راقىمشىلىعى شاعىن جانە ورتا بيزنەس سۋبەكتىلەرىنىڭ ءوسىمپ ۇلى مەن ايىپپ ۇلىن سالىقتىڭ نەگىزگى سوماسىن 31 جەلتوقسانعا دەيىن تولەۋ شارتىمەن جويۋدى قاراستىرادى.
قازىرگى تاڭدا اقتوبە وبلىسى بويىنشا شاعىن جانە ورتا بيزنەستىڭ 4250 سۋبەكتىسى راقىمشىلىققا ىلىگىپ تۇر. ولاردىڭ جالپى سالىق قارىزى 27 ملرد تەڭگەنى قۇراسا, ونىڭ 10 ملرد تەڭگەدەن استامى – كاسىپكەرلەر نەگىزگى قارىزدارىن جاپقان جاعدايدا جويىلاتىن ءوسىمپۇلدار مەن ايىپپۇلدار. وسىلايشا, وبلىس بيۋدجەتى قوسىمشا 16 ملرد تەڭگەگە تولىعادى.
تەمىر قۇسايىن,
«ەگەمەن قازاقستان»