بۇگىن پرەزيدەنت اكىمشىلىگىنىڭ باسشىسى اسەت يسەكەشەۆ ەربولات دوساەۆتى ۇلتتىق بانك ۇجىمىنا تانىستىردى. ءا.يسەكەشەۆ ۇلتتىق بانكتىڭ الدىندا تۇرعان بارلىق مىندەتتەر بۇرىنعىداي قالاتىنىن اتاپ ءوتتى. بۇل تۋرالى ۇب-ءنىڭ ءباسپاسوز قىزمەتى حابارلادى.
ء«بىرىنشى كەزەكتە, بۇل اقشا-كرەديت ساياساتىن جەتىلدىرۋ, بانكتىك, قارجىلىق جانە ناقتى سەكتورلاردى قالىپقا كەلتىرۋ, باعا تۇراقتىلىعى مەن ەكونوميكالىق ءوسۋ اراسىنداعى تەڭگەرىمدى تابۋ», – دەدى ءا. يسەكەشەۆ.
ءا. يسەكەشەۆ اتاپ وتكەندەي, بانكتەر اكتيۆتەرىنىڭ ساپاسىنا تاۋەلسىز باعالاۋ جۇرگىزۋ, قور نارىعىن دامىتۋ جانە باسقالارى وزەكتى ماسەلەلەر بولىپ قالۋدا.
«ۇكىمەتپەن بىرگە حالىقتىڭ ءومىر ءسۇرۋ دەڭگەيىن ارتتىرۋ ماقساتىندا ماكروەكونوميكالىق تۇراقتىلىقتى جانە ەكونوميكالىق ءوسۋدى قامتاماسىز ەتۋ جونىندەگى شەشىمدەر جۇيەسىن پىسىقتاۋ قاجەت», – دەپ اتاپ ءوتتى قر پرەزيدەنتى اكىمشىلىگىنىڭ باسشىسى.
ءوز كەزەگىندە ە. دوساەۆ مەملەكەت باسشىسىنا كورسەتىلگەن سەنىمى ءۇشىن العىس ايتتى جانە ەلدىڭ ەكونوميكالىق ءوسۋىن قامتاماسىز ەتۋ ماقساتىندا ۇلتتىق بانكتىڭ جانە ۇكىمەتتىڭ بىرلەسكەن جۇمىسى كۇشەيتىلەتىنىن اتاپ ءوتتى.
پرەزيدەنتتىڭ 2019 جىلعى 25 اقپانداعى № 856 جارلىعىمەن ەربولات دوساەۆ قر ۇلتتىق بانكى توراعاسى لاۋازىمىنا تاعايىندالعانىن ەسكە سالامىز.