بۇۇ-نىڭ نيۋ-يوركتەگى شتاب-پاتەرىندە قازاقستاننىڭ, مالتانىڭ جانە فرانتسيانىڭ توراعالىعىمەن قارۋلى قاقتىعىستارعا قاتىستىرىلعان بالالاردى قايتا ينتەگراتسيالاۋ بويىنشا بۇۇ دوستارى توبىنىڭ ءبىرىنشى كەزدەسۋى بولىپ ءوتتى.
كەزدەسۋگە 40-قا جۋىق بۇۇ مۇشە-مەملەكەتتەرىنىڭ, بۇۇ بالالار قورىنىڭ (يۋنيسەف), دۇنيەجۇزىلىك بانكتىڭ جانە ءتۇرلى ۇكىمەتتىك ەمەس ۇيىمداردىڭ وكىلدەرى, سونىڭ ىشىندە ۋگاندادا جانە وڭتۇستىك سۋداندا بالالاردى قايتا ينتەگراتسيالاۋ ماسەلەرىمەن اينالىساتىن ۇيىمدى باسقاراتىن امەريكاندىق اكتەر, «وسكار» جۇلدەسىنىڭ يەگەرى فورەست ۋيتاكەر قاتىستى.
«قازاقستان ءبىزدىڭ ەڭ قۇندى بايلىعىمىز بولىپ تابىلاتىن بالالاردىڭ, اسىرەسە قارۋلى قاقتىعىستاردان زارداپ شەككەن ۇلدار مەن قىزداردىڭ قاۋىپسىزدىگى مەن ءال-اۋقاتىن قامتاماسىز ەتۋگە باعىتتالعان بارلىق حالىقارالىق باستامالاردى قولدايدى», - دەپ اتاپ ءوتتى قازاقستاننىڭ بۇۇ جانىنداعى تۇراقتى وكىلى قايرات وماروۆ ءوز سوزىندە. ول سونداي-اق, بالالاردى رەينتەگراتسيالاۋدىڭ جاڭا تاسىلدەمەسى ولاردىڭ قالىپتى ومىرگە ءساتتى ورالۋىنا عانا ەمەس, بالالارعا وزدەرىنىڭ قاۋىمدارىنا «وڭ وزگەرىستەردىڭ وكىلدەرى» رەتىندە قىزمەت ەتۋگە مۇمكىندىك بەرەدى دەپ اتاپ ءوتتى.
قازاقستان, مالتا جانە فرانتسيا بىرلەسىپ باسقاراتىن بالالاردى رەينتەگراتسيالاۋ جونىندەگى بۇۇ دوستارى توبى 2018 جىلدىڭ قىركۇيەگىندە بۇۇ-دا قۇرىلعان رەينتەگراتسيا بويىنشا جاھاندىق كواليتسيانىڭ قۇرامداس بولىگى بولىپ تابىلادى. كواليتسيانىڭ تۇپكى ماقساتى – قارۋلى قاقتىعىستاردان زارداپ شەككەن بالالاردى, ونىڭ ىشىندە تەروريستىك ۇيىمدارمەن جالدانعان بۇرىنعى اسكەر بالالاردى, ادەتتەگى ومىرگە قايتارۋدىڭ جاڭا, ءتيىمدى ادىستەرىن ازىرلەۋ.
بۇل ماسەلەنى شەشۋ ءۇشىن كواليتسيا وسى ماسەلە بويىنشا زەرتتەۋ جۇرگىزۋ ءۇشىن بۇكىل الەمنىڭ تانىمال عالىمدارى مەن ساراپشىلارىن جۇمىسقا تارتتى. سونىمەن ءبىر مەزگىلدە مۇشە مەملەكەتتەر مەن بۇۇ اگەنتتىكتەرى اراسىندا اقپارات پەن تاجىريبە الماسۋ جۇزەگە اسىرىلۋدا.
كواليتسيا جۇمىسىنىڭ ناتيجەلەرى 2019 جىلدىڭ قىركۇيەگىندە نيۋ-يوركتە بۇۇ باس اسسامبلەياسىنىڭ 74-سەسسياسى شەڭبەرىندە جوعارى دەڭگەيدەگى ءىس-شارا بارىسىندا الەمدىك قوعامداستىققا ۇسىنىلاتىن بولادى.
قازاقستان قاقتىعىس جاعدايىنداعى بالالاردىڭ جاعدايىن جەڭىلدەتۋ, ولاردى قايتا ينتەگراتسيالاۋ جانە وڭالتۋ, سونداي-اق ءبىلىم مەن دەنساۋلىق ساقتاۋعا قولجەتىمدىلىكتى قامتاماسىز ەتۋگە باعىتتالعان شارالاردى ىلگەرىلەتۋگە ۇلكەن ءمان بەرەدى. ەلىمىز بۇۇ قاۋىپسىزدىك كەڭەسىنە 2017-2018 جىلدارداعى مۇشەلىگى بارىسىندا كەڭەستىڭ جانە ونىڭ قوسالقى ورگاندارىنىڭ وسى سالاداعى قىزمەتىنە بەلسەنە قاتىستى. وعان قوسا, قازاقستان اۋعانستانداعى بالالاردى قايتا ينتەگراتسيالاۋ جانە وڭالتۋ ءۇشىن يۋنيسەف-پەن بىرلەسكەن جوبالاردى جۇزەگە اسىرۋعا قاراجات بولەدى.
قازاقستاننىڭ توراعالىعىمەن وتەتىن دوستار توبىنىڭ كەلەسى كەزدەسۋى 2019 جىلدىڭ ءساۋىر ايىنا جوسپارلانعان. كەزدەسۋ بارىسىندا بالالاردى قايتا ينتەگراتسيالاۋ جونىندەگى جوبالاردى قارجىلاندىرۋ مەحانيزمدەرىنىڭ تيىمدىلىگىن ارتتىرۋ ماسەلەلەرى تالقىلانادى.