22-24 اقپان ارالىعىندا ريددەر قالاسىندا بياتلوننان ەلەنا حرۋستالەۆانىڭ كۋبوگى جولىنداعى جارىس اياقتالدى دەپ حابارلايدى Olympic.kz.
ءۇش جاس كاتەگورياسىنا بولىنگەن 70-تەن اسا بياتلونشى تانىمال سپورتشىنىڭ جۇلدەسى ءۇشىن تالاستى.
جارىستىڭ نەگىزگى ماقساتى – ەلىمىزدەگى بياتلوندى دامىتىپ, سپورتتىق شەبەرلىكتى ارتتىرۋ. سونداي-اق, جاستاردىڭ سالاۋاتتى ءومىر سالتىن ۇستانۋىنا مۇمكىندىك جاساپ, پاتريوتتىق سەزىمدى شىڭداۋ.
«بالالار ءبىزدىڭ ەلدىڭ بولاشاعى. ولاردى جاس كەزىنەن سپورتقا بەيىمدەپ, سالاۋاتتى ءومىر سالتىن ۇستانۋعا شاقىرۋىمىز كەرەك. بياتلوننان ريددەردە وتكەن رەسپۋبليكالىق تۋرنير جاس سپورتشىلاردىڭ كوزىن اشىپ, ولاردىڭ سپورتقا دەگەن قىزىعۋشىلىعىن ارتتىرا ءتۇستى», - دەيدى ەلەنا حرۋستالەۆا.