الەمدە بەلەڭ الىپ وتىرعان حالىقارالىق ماسەلەلەرگە بايلانىستى ءتيىمدى شەشىم قابىلداۋ, ديپلوماتيالىق كەلىسسوزدەر ارقىلى ءوزارا كەلىسىمدەرگە قول جەتكىزۋ, كوكەيتەستى جاعدايلاردا كەشەندى شەشىم قابىلداۋ, ت.ب. ىقپالداستىق ماسەلەلەرى تۇرعىسىندا «نۇرسۇلتان نازارباەۆتىڭ ءبىلىم بەرۋ قورى» قوعامدىق قورى حالىقارالىق «ميراس» مەكتەبىندە «بۇۇ مودەلى «MIS MUN - 2019» ء«تورتىنشى ونەركاسىپتىك رەۆوليۋتسيا: ءبىلىمدى دامىتۋدىڭ جاڭا كوكجيەگى» تاقىرىبىندا كونفەرەنتسيا ءوتتى.
الماتى, استانا, ورال, ماسكەۋ, پەتەربوردان جينالعان ەكى جۇزدەن استام مەكتەپ وقۋشىلارى الدىندا ءسوز سويلەگەن تاۋەلسىز قازاقستاننىڭ العاشقى سىرتقى ىستەر ءمينيسترى تولەۋتاي سۇلەيمەنوۆ ەلىمىزدىڭ بۇگىنگى ساياسي كەڭىستىگىكتەگى ءرولى تۋرالى مالىمەتتەرمەن ءبولىستى. تاجىريبەلى ديپلومات قوعامنىڭ ءاربىر ءتورتىنشى ازاماتىجاستار بولعاندىقتان, بيىلعى جىلدىڭ «جاستار جىلى» دەپ اتالۋى ءبىلىم الۋعا, ەڭبەك ەتۋگە, حالىقارالىق دەڭگەيدە باسەكەگە قابىلەتتى تۇلعا بولىپ قالىپتاسۋىنا مەملەكەتتىك تۇرعىدان مول مۇمكىندىكتەردىڭ قاراستىرىلىپ وتىرعاندىعىمەن تىعىز بايلانىستى ەكەندىگىنە توقتالدى.
– قازاقستان بۇگىندە سىرتقى ساياساتتا بەدەلدى مەملەكەت رەتىندە الەم ەلدەرىمەن ىنتىماقتاستىق بايلانىستاردا وزىندىك باعىت-باعدارىن, تۇراقتى ۇستانىمدارىن جۇزەگە اسىرىپ كەلەدى. وسى نەگىزدە قازاقستاننىڭ حالىقارالىق ۇيىمدارمەن بايلانىسى جىلدان-جىلعا نىعايىپ, جاھان جاعدايىنداعى كەلەلى ماسەلەلەردە تۇراقتىلىق پەن بەيبىتشىلىك كەلىسىمدەرىنە اسا سەرگەكتىكپەن قارايدى. وسىنداي سارابدال ساياسات باعدارىن ۇستانعان قازاقستاننىڭ حالىقارالىق كەڭىستىكتەگى بەدەلى, قىزمەتى تۋرالى جاستارىمىزدىڭ ءار كەز حاباردار بولىپ وتىرۋى اسا ماڭىزدى.
ءتورتىنشى ونەركاسىپتىك رەۆوليۋتسيا جاعدايىندا ءارى تسيفرلىق مۇمكىندىكتەردى دامىتۋدا ءبىلىمنىڭ باسەكەگە قابىلەتتىلىگى تۋرالى اتاپ وتكەن «نۇرسۇلتان نازارباەۆتىڭ ءبىلىم بەرۋ قورى» قق ديرەكتورىنىڭ ورىنباسارى عايشا سىزدىقوۆا كونفەرەنتسييا اياسىندا ەلدىڭ دامۋ كەلەشەگىمەن قاتار عالامدى الاڭداتىپ وتىرعان بىرقاتار ماسەلەلەردىڭ قوزعالۋى جاستاردى كەز كەلگەن جاعدايعا دايىن بولۋعا, شۇعىل شەشىمدەر قابىلداپ, ديپلوماتيالىق قادامداردىڭ ماڭىزدىلىعىن يگەرۋگە مۇمكىندىك بەرەدى دەپ اتاپ ءوتتى. سونداي-اق بۇگىندە ەلىمىز عانا ەمەس, شەتەلدەردە دە ءبىلىمىن جەتىلدىرىپ جۇرگەن «ميراس» تۇلەكتەرى باسەكەگە قابىلەتتىلىك ۇدەسىنەن شىعۋ جولىندا كاسىبي مامان بولاتىندىعىنا زور سەنىم ءبىلدىردى.
جاس دەلەگاتتاردى بۇۇ, يۋنەسكو, شەت مەملەكەتتەردىڭ قازاقستانداعى ەلشىلىكتەرى مەن كونسۋلدىقتارى, حالىقارالىق ۇيىمدارمەن بايلانىسىن نىعايتۋعا مۇمكىندىك بەرۋدى ماقسات ەتكەن كونفەرەنتسيا جۇمىسىنا فرانتسيانىڭ باس كونسۋلى الەكسيس شاحتينسكي, الماتىداعى قر ءسىم وكىلدىگىنىڭ ءبىرىنشى حاتشىسى اقمارال ورازيمان, قازاقستانداعى بۇۇ اقپاراتتىق ورتالىعىنىڭ جەتەكشىسى ابدۋراحيم مۋحيدوۆ, الماتىداعى يۋنەسكو ءبىلىم باعدارلامالارى بويىنشا مامانى لينا بەنەتە, «نۇرسۇلتان نازارباەۆتىڭ ءبىلىم بەرۋ قورى» قق حالىقارالىق ءبىلىم باعدارلامالارىنىڭ ۇيلەستىرۋشىسى يرينا لوگينوۆا جانە تاعى دا باسقا قاتىسۋشىلار ماڭىزدى ماسەلەلەر تۇرعىسىندا ءوز پىكىرلەرىمەن ءبولىستى.
كونفەرەنتسيا بارىسىندا قوزعالعان حالىقارالىق لاڭكەستىكپەن كۇرەسۋدە كيبەرقواۋىپسىزدىكتى دامىتۋ مەن بەيبىتشىلىكتى تۇراقتاندىرۋداعى ارىپتەستىك, جاستار مەن بالالارعا قاتىستى زورلىق-زومبىلىقتى تۇبەگەيلى جويۋ, مۇمكىندىگى شەكتەۋلى بالالاردىڭ ءبىلىم الۋىنا جاقسى جاعدايلار تۋعىزۋ, ءىت سالاسىنداعى ءبىلىمدى جەتىلدىرۋ, تابيعاتتىڭ وزگەرۋى, سەنىمدى ءارى تۇراقتى ەنەرگيا كوزدەرىن, جاڭا تەحنولوگيالاردى پايدالانۋ, جاساندى ينتەللەكت, ت.ب. تاقىرىپتار بويىنشا مالىمەتتەر جاس دەلەگاتتاردىڭ قىزىعۋشىلىعىن تۋعىزدى.
ەلۆيرا سەرىكقىزى,
«ەگەمەن قازاقستان»
الماتى